Beneficios de los piensos Compy de Mercadona para las articulaciones de los perros

Beneficios dos pensos Compy de Mercadona para as articulacións dos cans

29 de xuño de 2017

Unhas articulacións en boas condicións e uns músculos desenvolvidos favorecen o movemento e melloran a calidade de vida da nosa mascota. É por mor disto que os pensos Compy Supreme para cans incorporan ingredientes específicos para o coidado articular do seu can, para alén de niveis axeitados de vitaminas B6 e C e L-carnitina, que favorecen o mantemento dunhas articulacións en bo estado.

Como coidar as articulacións da túa mascota

As vitaminas C e B6 axudan na formación do coláxeno ao promoveren a súa síntese. A vitamina C axuda a reducir o risco de perda de cartílago e a progresión da artrite. Os procesos de inflamación na artrite reumatoide están relacionados con niveis baixos de vitamina B6 en sangue, polo que unha achega desta vitamina axuda a reducir os procesos inflamatorios asociados aos problemas articulares.

A L- carnitina axuda a minimizar a acumulación de graxa corporal, contribuíndo a conservar unha masa muscular proporcionada e un peso axeitado e favorecendo, deste xeito, o mantemento das articulacións en boas condicións. Isto presenta unha grande importancia, pois os problemas de sobrepeso poden resultar moi prexudiciais, especialmente en razas grandes durante o desenvolvemento.

Compy Supreme para razas medianas e grandes

Ademais, os pensos Compy de Mercadona para cans de razas medianas e grandes como son “Compy Supreme cadelos 3 kg”, “Compy Supreme Salmón e Arroz 3 kg” e “Compy Supreme Polo e Arroz 3 kg”, incorporan tamén sulfato de condroitina e glicosamina.

O sulfato de condroitina repercute sobre os compoñentes do cartílago, axudando a incrementar a síntese de proteoglicanos e do ácido hialurónico, para alén de presentar un efecto protector dos compoñentes do cartílago. Por outra parte, a glicosamina incide a nivel celular, axudando a eliminar os radicais libres e bloqueando a acción dos encimas responsables da degradación do cartílago, alén de posuír un efecto antiinflamatorio. É por iso que ambos os ingredientes están implicados quer no mantemento quer na formación do coláxeno do cartílago.

Os beneficios dos pensos Compy Supreme contribúen a mellorar a saúde articular do teu can, ademais de alimentar mellor o seu futuro grazas a unha dieta que inclúe ingredientes seleccionados e altamente nutritivos para unha vida activa e plena.

Outras Recomendacións:

Coñeces a nova gama de pensos Compy para cans? Descubre Compy Supreme con carne e peixe frescos.

Unha das nosas recomendacións de lectura é a nosa publicación sobre os procesos de calidade do penso de Mercadona.

E, se procurares snacks para a túa mascota, recomendámosche os Snacks Compy para a limpeza dental con efecto cepillado.