As baetas son unha ferramenta esencial na limpeza do fogar. Non obstante, non todas son iguais nin serven para as mesmas tarefas.

Para lograr a limpeza adecuada de cada espazo da túa casa, é fundamental que coñezas os nosos diferentes tipos de baetas e o seu modo correcto de utilización.

A continuación, mostrámosche os diferentes tipos de baeta dispoñibles, as súas principais características e uns consellos prácticos para obter un rendemento de limpeza óptimo.

Tipos de baetas dispoñibles en Mercadona

Baetas de microfibra grande e pequena

• Son moi resistentes e pódense lavar na lavadora, de feito é moi recomendable para unha limpeza máis profunda e telas como novas para o próximo uso.
• Adóitanse usar para limpezas en profundidade. Utilízanse moito no baño e na cociña, xa que resultan moi útiles nestes espazos pola súa capacidade de absorción, ademais van moi ben para a limpeza de vehículos. Perfectas para traballar con dilucións de auga e produto, pero tamén para secar superficies.
• A elección do tamaño da baeta depende do uso e das preferencias (tamaño da man para unha correcta manexabilidade e escorrido, superficie que vaiamos limpar etc.). As grandes teñen maior gramaxe, polo que absorben máis e abarcan máis superficie. As pequenas son un pouco máis manexables e, polo tanto, máis fáciles de escorrer. Inclúen colgadoiros para telas á man ou tendelas mellor.
• Preséntase en 2 tamaños, grande e pequeno, 3 unidades de distinta cor en cada paquete.
• Ao seren de cores diferentes poden usarse por estancias diferentes, distinguindo as zonas para limpar e evitando o cruzamento ou a contaminación de xermes entre áreas do fogar.

Observa a súa utilidade para a limpeza da túa neveira e conxelador, o interior do forno, a túa lavadora e lavalouza. No seu tamaño grande, ademais do fogar tamén é moi eficaz para limpar e a túa barbacoa.

Consellos de utilización: xa que adoitan utilizarse cun fin determinado, é conveniente asignar cada baeta para un espazo ou superficie distinguíndoas pola súa cor.

Evita utilizar suavizante ao lavalas, xa que pode reducir a súa capacidade de absorción.

É recomendable secalas ao aire libre e non na secadora, xa que a calor excesiva pode danar as fibras. Por este motivo, tampouco é conveniente o seu uso sobre superficies quentes.

Baeta suave multiúsos

• É a baeta tradicional, tamén se adoita utilizar para a limpeza diaria; son consideradas máis de “batalla’’.
• Preséntase tamén en varias cores, para asignar unha cor dependendo do uso/necesidade e podelas repartir por estancias, evitando igualmente a contaminación cruzada.
• Outro uso frecuente é a limpeza rápida de mesados ou manteis de hule.
• Preséntase en 3 cores, 9 unidades por paquete.

Consellos de utilización: utiliza este tipo de baetas para superficies do fogar como cociña, baño, salón, poios de ventás e mobles de exterior.

Baeta cristais ou espellos

• É ideal para superficies de cristal ou espellos, xa que abrillanta e seca sen raiar.
• Non deixa rastros nin peluxes.
• Non se acartona, é moi manexable e cómoda de usar.
• Pódese utilizar coa mopa e o pau extensible para chegar a lugares altos ou limpar ventás grandes.
• Pódese utilizar en seco ou en húmido.
• Recomendadas para superficies lisas, non indicadas para superficies rugosas ou aguzadas.

Consellos de utilización: para lograr un acabado sen raias en cristais ou espellos, utiliza a baeta soamente con auga (moi ben escorrida) ou ben cunha solución de limpeza específica para cristais.

Baeta po

• Atrapa e retén o po.
• Gran poder de limpeza tanto en seco coma en húmido.
• Perfecta para usar con produtos específicos para a limpeza do po.
• Fácil escorrido e aclarado.
• Acabado extrasuave, ideal para todo tipo de mobles.
• Elimina todo tipo de pegadas e manchas.

Consellos de utilización: cando utilices esta baeta para po, comeza a limpar dende a parte superior e avanza cara a abaixo. Desta maneira, evitas que o po caia sobre áreas previamente limpas.

Podes utilizar unha baeta para po lixeiramente humedecida con auga ou cun spray de limpeza específico para atrapar mellor o po e mantelo na baeta en lugar de dispersalo no aire.

Baeta pousavaixelas

• Deseñada especificamente para apoiar a vaixela e os cubertos tras lavalos.
• Con tratamento antibacterias.
• Ten un grosor antiimpactos.
• Gran capacidade de absorción.

Consello de utilización: despois de utilizar esta baeta, lávaa ben e cando estea totalmente seca gárdaa nun lugar sen humidade para previr malos olores e bacterias.

Podes usala tamén para pousar as túas potas e os teus utensilios de cociña nos teus mobles de almacenaxe.

Outras recomendacións

A nosa Fregona de microfibra absorbente é o produto ideal para a limpeza de chans de interior.

O Vinagre de limpeza é un eficaz limpador 100 % natural cunha ampla diversidade de usos.

Se buscas un quitamanchas multiúsos natural, proba o noso Percarbonato branqueador.