Benvido ao mundo dos bombóns Delizze, onde cada bocado é unha explosión de sabor. Apaixónannos os bombóns e cremos que poden converter momentos sinxelos en ocasións especiais.

Invitámoste a probar o noso Biscoito Delizze, coa combinación perfecta de texturas e sabores, e a nosa deliciosa Mousse Delizze, que é unha sobremesa clásica e sempre benvida.

Tanto se planeas unha cea romántica para dous coma unha festa con amigos, estas receitas son ideais. E quen sabe, incluso poden ser un bo regalo para eses días de celebración. Cremos que un pouco chocolate pode facer que calquera momento sexa aínda máis único, e estamos desexando compartir esa experiencia contigo.

Aquí tes paso a paso como facer algunhas receitas inesquecibles.

Rolo de biscoito con Delizze

10 persoas | 30 min

Ingredientes

• 4 ovos
• 100 g de fariña
• 120 g de azucre
• 4 culleradas de cacao en po
• 50 ml de leite
• ½ culleradiña de aroma de vainilla
• 3 culleradas de crema de abelás
• 8 bombóns Delizze
• azucre glas para esparexer

Preparación

• Separa as xemas das claras
• Pon nun cunco as xemas, a fariña, o azucre, o cacao, o leite e a vainilla e bate ben durante 5 minutos. Engade as claras batidas e mestura con coidado.
• Bota a masa nun molde rectangular de 20x30 cm e coce no forno quentado previamente a 200 ºC durante uns 10 minutos (confirma que a masa está cocida coa proba do escarvadentes).
• Desenmolda o pastel sobre un pano con azucre esparexido. Estende a crema de abelás por toda a superficie e coloca os bombóns Delizze aliñados nun dos bordos máis longos do rectángulo. Enrola ben a torta e pásaa a unha táboa.
• Esparexe con azucre glas e decora segundo vos guste.

Mousse de Delizze

6 persoas | 20 min

Ingredientes

Para a base:

• 200 g de galletas Digestive
• 60 g de abelás tostadas
• 50 g de manteiga

Para a mousse:

• 400 g de nata
• 200 g de crema de abelás
• 2 gotas de aroma de vainilla
• 10 bombóns Delizze

Para a cobertura:

• 100 g de nata
• 120 g de anaquiños de chocolate
• 6 bombóns Delizze para decorar

Preparación

• Para a base, pon as galletas e as abelás nunha picadora e tritúraas. Engade a manteiga a temperatura ambiente e tritura un pouco máis. Reparte a mestura en 6 vasos ou cuncos.
• Para a mousse, mestura 100 g de nata coa crema de abelás e o aroma de vainilla. Monta o resto da nata nun cunco á parte ata que estea firme. Incorpóraa con coidado á mestura anterior. Engade os bombóns Delizze cortados en anacos e remove. Reparte en vasos ou cuncos sobre a base de galleta.
• Para a cobertura, quenta a nata nun cazo ou no microondas ata que alcance o punto de ebulición. Engade as pebidas de chocolate, deixa repousar 3 minutos e mestura ben. Coloca en copas ou cuncos sobre a mousse de abelás e decora cada un cun bombón Delizze. Méteo no frigorífico e sírveo frío.

Outras recomendacións

Coñece a nosa ampla selección de bombóns, atréveste a facer unha receita con algúns deles?

Toma nota desta Receita con cocolizze e sorprende cunha sobremesa para amantes do coco.