A Torta de limón ou Lemon pie é unha sobremesa en formato torta que nunca pasa de moda. Este clásico, doce e refrescante, é unha excelente opción para culminar as túas comidas ou ceas de Nadal.
Nesta receita, a acidez e frescura do limón ten o seu contrapunto na suavidade da crema. Todo iso sobre unha base de masa quebrada que se desfai na boca. A presentación cun toque de merengue dourado acentúa o seu carácter festivo á vez que elegante. Deixa abraiados aos teus invitados!
Sigue o paso a paso da nosa Receita de Torta de limón
Ingredientes
- 400 ml de auga.
- 60 g de fariña fina de millo.
- 60 g de manteiga.
- 3 limóns.
- 4 ovos.
- 420 g de azucre.
- 1 masa quebrada-brisa.
Paso a paso
1. Coloca nun molde para tortas unha base de masa quebrada, seguindo as instrucións do fabricante. Méteo no forno e reserva.
2. Nun cazo, mestura 220 g de azucre coa fariña fina de millo. Engade a auga e bate moi ben ata que a fariña se disolva. Quenta sen que chegue a ferver. Reserva.
3. Bate as xemas nun cunco e, sobre estas, verte moi amodo a mestura anterior, sen deixar de bater.
4. Volve colocar no cazo a mestura resultante.
5. Pon o cazo no lume, sen parar de remover ata que empece a ferver e teña consistencia de crema. Retira do lume.
6. Engade o zume dos limóns e, sen deixar de bater, engade a manteiga en anaquiños, un por un, procurando que quede ben integrado o anterior antes de engadir o seguinte.
7. Verte a crema de limón sobre a base de masa quebrada xa enfornada. Tapa con filme transparente para que non cree codia. Deixa arrefriar a temperatura ambiente.
8. Nun cunco, coloca as claras e, con axuda dunhas variñas, empeza a montalas. Engade outros 200 g de azucre pouco a pouco, procurando que se integre por completo.
9. Cubre a torta co merengue e dóurao cun soprete de repostería ou méteo no forno ata que colla cor.
Consello do xefe de cociña: monta as claras para facer o merengue e dóurao pouco tempo antes de servilo na mesa, dese xeito manterá a súa firmeza.
Outras recomendacións
Nestas festas, podes lucirte con outras sobremesas doces, como estas receitas feitas con Bombóns Cocolizze.
Se buscas un prato principal completo para os teus menús de Nadal, proba con esta receita de Faceiras ao porto.
Consigue un aroma fresco e agradable para o teu fogar coas nosas Variñas difusoras.