Apetéceche un Gaspacho de remolacha? Se hai unha sopa fría que apetece no verán, é o gaspacho. Este prato admite numerosas variantes, e unha delas é a que se elabora con remolacha, co sabor típico desta hortaliza e esa cor tan intensa e característica.

Ademais, é moi fácil de preparar e resulta moi lixeiro e refrescante. Apúntaa na túa lista de receitas favoritas para este verán!

Sigue o vídeo paso a paso da Receita de Gaspacho de remolacha

Ingredientes para 4 persoas:

• 450 g de remolacha cocida
• 1 kg de tomate pera
• 2 dentes de allo
• ½ cogombro
• ½ pemento verde
• ¼ cebola
• 40 ml de aceite de oliva
• 40 ml de vinagre de xerez
• 60 g de requeixo
• 1 puñadiño de noces
• 10 g de sal

Paso a paso:

Se queres seguir o proceso con detalle, aquí tes a elaboración completa deste rico gaspacho:

1. Corta o tomate en anacos.

2. Tritura os tomates no batedor.

3. Engade o pemento en anacos.

4. O cogombro pelado e cortado.

5. A continuación, a cebola e os dentes de allo.

6. E, por último, a remolacha cortada en anacos.

7. Bota sal, aceite e vinagre.

8. Tritura todo.

9. Sirve nun recipiente e coroa con requeixo e noces.

Outras recomendacións

Se buscas receitas refrescantes, recomendámosche esta Sopa fría de melón con cubiños de limón e hortelá.