Xa estamos en plena tempada de cereixas, un froito moi apetecible e refrescante nos meses de calor. Propoñémosche unha maneira diferente de consumilas con esta deliciosa Receita de Chutney de Cereixas, orixinaria da India e moi popular en Inglaterra.
Trátase dunha especie de confeitura que se elabora con froitas e verduras cocidas en vinagre. Aprende a preparala con este sinxelo paso a paso e dálle un toque orixinal aos teus almorzos e ás túas merendas.
Sigue o vídeo paso a paso da Receita de Chutney de Cereixas
Ingredientes para 4 persoas:
- 900 g de cereixas frescas
- 3 cebolas medianas
- 1 rama de canela
- 10 g de xenxibre fresco relado
- 20 g de popurrí de pementas
- 1 cullerada de sal
- 6 culleradas de vinagre de mazá
- 8 culleradas de panela
Suxestión de presentación:
- Rebanda de Pan de Fibra e Sésamo
- Queixo fresco de vaca
- Queixo rulo de cabra
- Queixo Camembert
- Xamón cocido natural
Paso a paso:
Para aprender a preparar esta exquisita receita, aquí tes todos os detalles do seu proceso de elaboración.
1. Desosar as cereixas.
2. Cortar as cebolas á xuliana.
3. Relar o xenxibre.
4. Poñer nunha pota as cereixas desosadas, a cebola, o xenxibre e a canela.
5. Salpementar.
6. E poñer o vinagre e a panela.
7. Cocer a lume medio con tapadeira durante 35 minutos.
8. Baixar o lume ata evaporar o líquido.
9. Empratar en pan de fibra e sésamo con xamón cocido ou cunha selección de queixos.
Outras recomendacións
Se che gustan as cereixas, propoñémosche esta clásica receita para elaborar unha auténtica Torta de cereixas.
Buscas receitas refrescantes? Aprende a preparar este Gazpacho de Sandía con cubiños de limón e xenxibre e este Gazpacho de Melón con cubiños de Limón e cecimbre.