O próximo 27 de maio celébrase o Día Nacional do Celíaco/a. Mercadona súmase a esta conmemoración facendo patente o seu forte compromiso coas necesidades deste colectivo, que se traduce en numerosos produtos sen glute no noso lineal e un traballo constante para seguir innovando e ampliando a nosa oferta.

Para ir preparando o terreo ensinámosche a preparar un Biscoito sen Glute reenchido de crema de limón e froitas do bosque. Unha deliciosa receita apta para celíacos/as que combina o sabor refrescante da crema de limón co toque silvestre dos froitos vermellos. Sorprende a túa familia ou amigos cunha presentación de alta repostería que todos quererán probar.

Sigue o vídeo paso a paso da Receita de Biscoito sen Glute

Ingredientes para 4 persoas:

• 375 g de Preparado para biscoito
• 300 ml de nata sen lactosa
• 4 ovos
• 300 g de froitas silvestres
• Azucre glas
• Sal

Ingredientes para a Crema de Limón:

• 250 g de manteiga sen lactosa
• 300 g de azucre
• 5 ovos
• 3 limóns

Paso a paso:

Se queres seguir o proceso paso a paso, aquí tes a elaboración completa deste rico biscoito.

Para cociñar o biscoito

1. Botar 4 ovos nun recipiente e bater.

2. Engadir unha chisca de sal.

3. Incorporar a nata.

4. E o preparado de biscoito sen glute.

5. Bater ata que quede homoxéneo.

6. Untar un molde coa manteiga derretida.

7. Esparexer un pouco do Preparado de Biscoito.

8. Botar a masa no molde engraxado.

9. Meter no forno só con calor por debaixo a 170º uns 35 minutos. Pinchar aos 30 minutos para comprobar a cocción.

Para preparar a crema de limón

1. Mesturar o azucre coa manteiga nunha pota.

2. Engadir o zume dos limóns.

3. Incorporar os 5 ovos.

4. Bater ata que ferva.

5. Cortar o biscoito.

6. Reencher o biscoito coa crema xa fría.

7. Incorporar as froitas silvestres e ir creando capas.

8. E decorar con azucre glas.

Mercadona mantén unha relación moi estreita coa Federación de Asociacións de Celíacos de España (FACE), Celíacs de Catalunya (SMAP), a Asociación de Celíacos e Sensibles ao Glute (ACSG) e a Asociación Española de Persoas con Alerxia a Alimentos e Látex (AEPNAA), co obxectivo de seguir colaborando na mellora da información e formación dos consumidores sobre alérxenos, analizar os diferentes problemas existentes e buscar solucións que satisfagan as súas necesidades.

Outras recomendacións

Se buscas máis produtos Sen Glute, entra nesta sección onde encontrarás algúns dos nosos máis de 1.250 produtos con esta característica.

E se queres aprender a cociñar outro doce, sigue o noso vídeo paso a paso para preparar unha exquisita e sinxela receita de Torta de Cereixas.