A cebola é un alimento fundamental da nosa gastronomía que serve para preparar as receitas máis variadas.
Saborosa e versátil, posúe numerosas propiedades nutritivas: é diurética, xa que está composta por auga nun 90 %, dixestiva e depurativa... Unha opción perfecta para coidar a túa saúde e incluíla na túa cesta equilibrada.
Outra das súas características máis atractivas é que existen diferentes tipos, con distintos sabores e usos na cociña. Sabes cantos tipos de cebolas temos en Mercadona? Sigue lendo!
5 tipos de cebola á túa disposición, para que goces este saudable alimento
Aínda que segundo a zona xeográfica temos máis ou menos tipos de cebola, queremos contarvos as características das 5 máis habituais: amarela, doce, vermella, chalota e tenra. Cal che gusta máis? É difícil escoller, sobre todo porque presentan diferenzas no seu sabor e cada unha ten un uso recomendado á hora de cociñar.
Cebola amarela
- Úsase para cociñar e non adoita consumirse en cru, xa que ten un sabor máis intenso.
- É ideal para cociñar sopas, guisos e salsas.
- A nosa suxestión: Tagliatelle con salsa de cebola, nata, manteiga, leite, sal e pementa branca. Unha harmónica combinación de ingredientes de inspiración italiana. As propiedades da cebola complementan os carbohidratos que achega a pasta e o saboroso aderezo do resto de ingredientes.
Cebola doce ou branca
- Pódese consumir tanto crúa como cociñada. De feito, é o tipo de cebola preferido por moitas persoas xa que ten un sabor menos intenso.
- Perfecta para receitas como aros de cebola, cebola relada, vexetais asados, ensaladas…
- A nosa suxestión: escalivada con berenxena, pementos vermellos, tomate, cebola doce, aceite, sal e especias segundo o gusto de cada un. Unha receita típica mediterránea, baixa en calorías, perfecta para dietas vexetarianas e veganas. A berenxena, o pemento vermello e o tomate tamén ofrecen unha elevada achega vitamínica e son ricos en fibra e minerais, polo que a súa combinación coa cebola é moi saudable.
Cebola vermella ou morada
- É a cebola que máis pica en cru.
- Pola súa cor tan intensa adoita consumirse en cru para darlle un toque de cor aos pratos, pero se queremos darlle un toque doce pódese cociñar.
- Indicada para receitas como guacamoles, conservas en vinagre, ensaladas, sándwichs, vinagretas, hamburguesas…
- A nosa suxestión: para conseguir ese toque máis doce, podes preparar este pastel de cabaciña, berenxena, tomate e cebola vermella ou morada. Unha rechamante torta salgada de riquísimo sabor, baixa en calorías, que suma ás propiedades da cebola as doutros diuréticos naturais como o tomate e a cabaciña, xunto á riqueza nutricional da berenxena.
Chalota
- Úsase principalmente para gornicións de peixes e carnes ou como aderezo.
- A forma máis común de cociñala adoita ser ao forno, ben sexa asada ou confeitada.
- A nosa suxestión: pa de cordeiro co zume do seu asado, patacas e chalotas. Unha verdadeira delicia. A gornición de patacas e chalotas asadas ao forno co zume do cordeiro é insuperable, un complemento magnífico para a carne.
-
Este produto témolo dispoñible nas nosas tendas soamente no período do Nadal.
Cebola tenra
- É a máis fresca de todas e a que máis auga contén. Ademais, é máis suave e cun sabor menos intenso.
- A maioría da xente úsaa en cru para ensaladas, pero tamén é habitual cociñar con ela por ser un produto máis fresco e de sabor menos potente.
- A nosa suxestión: propoñémosvos esta ensalada de bonito, cebola tenra, laranxa e tomate, aderezada cunha vinagreta de laranxa. Unha receita lixeira e refrescante, de exquisito sabor. Moi interesante a mestura de proteínas, graxas saudables (Omega 3), vitaminas e minerais do bonito coas propiedades diuréticas e dixestivas da cebola e o toque ácido e rico en vitamina C da laranxa.
Estes son os tipos de cebola que podes encontrar nas nosas tendas, pero, ademais, vendemos outros formatos de cebola moi interesantes para facerche a vida máis fácil á hora de preparar os teus menús e que poidas darlle máis versatilidade ás receitas:
- Cebola cortada en anacos ultraconxelada. Está moi boa e é igual de boa que a cebola fresca. Con este produto aforrarás moito tempo na túa cociña.
- Cebola frita. O aderezo perfecto para acabar os teus pratos e darlle o toque crocante que nunca falla.
- Cebola confeitada. Se o que buscas é un punto máis doce nas túas preparacións, non podes perder este produto.
Outras recomendacións
Coñeces a nosa variedade de Bebidas vexetais? Fonte de benestar, baixas en azucres e indicadas para todo tipo de dietas: de avea, abelá, soia calcio, soia cero, soia e vainilla, de arroz, de améndoas…
Completa os teus almorzos cos Cereais máis saudables para unha alimentación equilibrada.