Prepara as hamburguesas máis sensacionais co Pan de hamburguesa que elixas. Aquí encontrarás o complemento perfecto para as túas barbacoas con amigos, reunións ao aire libre ou simplemente para unha comida ou cea especial na casa. Tamén podes gozar dun pan especial hot dog para os teus bocadillos de salchicha máis saborosos.

Temos o pan perfecto para ti: unha ampla gama de sabores, tamaños e texturas, todas igualmente deliciosas. Queres coñecelas?

Pan Burger, pan Maxi Burger e Minibocados

Adaptámonos a todos os gustos, apetitos e ocasións cunha gran variedade de tamaños.

Os Minibocados, unha opción perfecta para pequenos caprichos, veñen en paquetes de 8 unidades de panciños e son sen lactosa. Estas miniaturas de pan de hamburguesa son perfectas para servilas nos teus aperitivos como canapés: con recheo de friame, de ensalada rusa, de paté... E, como non, podes preparalos como che suxerimos: coas minihamburguesas de polo e de vacún e completalas con eiruga, tomates cereixa e pesto. Unha marabillosa mestura de sabores, para os que prefiren algo rico en pequenas doses.

O Pan Burger clásico e a versión Maxi Burger con sementes de sésamo renden a tope en diferentes preparacións e, como non, nunha receita tradicional como a que che suxerimos: hamburguesa de vacún e porco cun chisco de maionesa, leituga, dúas cortadas finas de tomate e cogombriño cortado en rodas.

Ambos contan con 4 unidades por paquete e son aptos para os intolerantes á lactosa.

Pan especial hot dog

Este é o pan especial para preparar os teus bocadillos de salchichas, unha delicia que non podes deixar pasar. Encontraralo en prácticas bolsas de 6 unidades e, ademais, son sen lactosa.

A nosa suxestión de preparación consiste en torrar lixeiramente o pan hot dog, engadir as salchichas con cebola e cogombriños cortados en cubiños e cun toque de ketchup e mostaza segundo vos guste, irresistible sabor!

Toma nota porque dispoñemos desta variedade de Mostazas para acompañar os teus bocadillos de salchichas, hamburguesas e outras preparacións.

Pan Viena e pan redondo cristal

Os entusiastas do pan máis clásico dispoñen destas dúas opcións no noso Forno.

O Pan Viena é adecuado para moitas outras preparacións, pero grazas á súa forma redonda tamén é perfecto para gozalo cunha hamburguesa. Encontraralo dispoñible no forno por peza individual.

A nosa suxestión con este pan é unha rica hamburguesa con verdura asada. Escolle unha hamburguesa de polo e acompáñaa cun refogado de verduras. Despois engade unha salsa feita nun morteiro con allos, aceite, vinagre, caiena, ourego, comiño e perexil, impresionante!

O Pan Redondo cristal 100 % natural vén nunha bolsa que contén 4 pans. Gózase ao máximo se o pasas previamente por unha torradora.

A nosa proposta neste caso é incluír neste pan unha hamburguesa de vacún con crocante de xamón, eiruga, queixo de cabra e champiñóns, a gozala!

Pan Burger sen glute e Pan de hamburguesa Rústico 100 % integral

Se te decantas por pans máis saudables, temos o que necesitas. Por exemplo, o noso Pan de hamburguesa Rústico 100 % integral é unha fonte de fibra, sen azucres engadidos e vén con 4 unidades por paquete. Podes consumilo cunha hamburguesa ou opta por preparacións máis lixeiras, como a que che suxerimos: con eiruga, mozzarella, aguacate e tomate seco.

Non falta a nosa versión de Pan Burger sen glute, apto para persoas celíacas e sen azucres engadidos. Prepara esta deliciosa receita de hamburguesa con recheo de queixo con este pan sen glute.

Pan Burger brioche

Calquera das receitas que detallamos anteriormente queda deliciosa co noso Pan Burger brioche. De feito, hai moitos amantes das hamburguesas que senten predilección por este tipo de pan de textura manteigosa que lle achega un sabor suave e un lixeiro toque doce.

Non obstante, é un pan versátil, que resulta ideal tanto en preparacións doces como salgadas. Próbao untado cunha crema de cacao para regalarte un capricho doce ou prepárao salgado cunha opción sinxela e clásica: queixo con xamón de York. Imposible fallar!

En Canarias, outros envases e un pan 100 % integral diferente

Se compras en Canarias, encontrarás o noso Pan hot dog, o Pan Maxi Burger e o Pan 100 % Integral en envases diferentes e con algúns ingredientes distintos. Con estes pans preparamos as receitas que presentamos anteriormente, e quedan igualmente ricos!

O Pan hot dog encontraralo sen o precorte para que poidas abrir o pan por onde ti queiras; pola metade, por arriba, etc. No caso do Pan 100 % Integral encontraralo nunha versión con sementes de sésamo e unha textura diferente igual de rica.

Outras recomendacións

Prefires as Hamburguesas vexetais? As de berenxena ofrecémoschas en tamaño estándar e as de espinacas e cenoria en tamaño mini.

Coñeces a nosa salsa Burger? Ideal para hamburguesas, patacas ao forno e outros pratos. Neste enlace encontrarás esta e outras salsas especiais.

Se prefires outras especialidades da nosa panadería, proba a nosa selección de empanadas.