Probaches algún dos nosos Iogures gregos? É toda unha experiencia e unha opción nutritiva para calquera momento do día.

Ofrecémosche unha exquisita selección de iogures que seguen esta tradición ancestral, para que goces a súa agradable textura. Déixate seducir polo auténtico sabor de Grecia!

Selección de Iogures gregos en Mercadona

Naturais

Descubre a esencia pura da tradición helénica do iogur con estas ricas variedades naturais.

• Natural: elaborados con ingredientes simples e auténticos, estes iogures permítenche apreciar o sabor clásico e a textura cremosa dun formidable iogur ao estilo grego. Dispoñibles en tamaño de 1 kg e en formato paquete de 6 unidades de 125 g.
• Lixeiro natural: se buscas unha opción máis lixeira pero igualmente deliciosa, este é o teu iogur grego. Con menos graxa, pero con todo o sabor e toda a cremosidade que caracteriza este tipo de iogures. Dispoñibles en tamaño de 1 kg e en formato paquete de 6 unidades de 125 g.
• Natural con azucre de cana: se prefires gozar dun sutil toque doce en cada cullerada, deixa que o azucre de cana combine co iogur grego nun equilibrio perfecto. Dispoñibles en formato paquete de 6 iogures de 125 g.

De sabores

Pensabas que non había iogures gregos de sabores? Claro que si! Telos dispoñibles en paquetes de 6 unidades de 125 g.

• Amorodo: o noso iogur grego de amorodo é unha explosión de frescura. Sabor a froita en harmonía coa textura suave característica do iogur grego.
• Limón: o sabor cítrico do limón fai que o teu iogur grego sexa aínda máis vibrante. Mesturado coa suavidade cremosa, ofréceche unha experiencia revitalizante en cada bocado.
• Stracciatella: esta variedade de iogur grego é unha delicia, unha reinterpretación do sabor clásico italiano con inspiración helénica. Un torrente de sabores entrelazados coa cremosa base do iogur.

Bicapa

Os iogures gregos bicapa fusiónanse con deliciosas capas de froitas, ofrecéndoche sabores naturais e texturas moi tentadoras. Á túa disposición en paquetes de 4 unidades de 125 g.

• Amorodo: Deleita o teu padal con este iogur ao estilo grego que se combina con marmelada e anacos de amorodo, unha experiencia gourmet mediterránea fresca e doce.
• Manga: Goza a suave cremosidade do iogur grego acompañado de irresistibles anacos zumarentos desta froita exótica. Unha viaxe sensorial ao trópico!

Outras recomendacións

As nosas Bebidas de froita e leite son unha compañía inmellorable para os teus almorzos, as túas merendas ou en calquera momento do día.

Coñeces a nosa ampla gama +Proteínas? Ideal para a túa dieta sa e equilibrada, como a nosa interesante variedade de Bebidas vexetais, con baixo contido en calorías e azucre.