Adoitas tomar Té? Descubre toda a riqueza desta bebida milenaria coa nosa selección de Tés. Orixinario de Asia, cunha historia de sabor e tradición única, o Té ofrece unha ampla variedade de sabores e aromas. A nosa selección con diferentes opcións de Té negro, verde, vermello e matcha, ofréceche unha reconfortante experiencia sensorial.

Máis alá do seu irresistible sabor, o Té é coñecido polos seus poderosos antioxidantes, que che proporcionan unha defensa natural contra o estrés e mantenche hidratado e revitalizado, polo que resulta perfecto para acompañarte a diario.

Queres coñecer a nosa familia de Tés?

Té negro Breakfast, Té Chai e Té negro canela

Té negro Breakfast: té negro 100 %. A súa denominación “breakfast” faino ser un té perfecto para tomar no almorzo polas súas características de sabor e aroma. Podes tomalo mesturado con leite ou con bebidas vexetais.

Té Chai: combina té negro cunha mestura de especias aromáticas, creando un sabor rico e especiado. Ingredientes: té negro (30 %), canela (17 %), xenxibre (17 %), pementa negra, cardamomo, cravo e anís estrelado. Podes probalo con leite ou coa túa bebida vexetal favorita.

Té negro canela: té negro con canela aromatizado, unha deliciosa mestura entre o carácter robusto do té negro coa dozura e co aroma característicos da canela. Ingredientes: té negro (76 %) e canela (20 %). Pódese engadir leite ou bebidas vexetais se se desexa.

Modo de preparación de ambos Tés: verte 150 ml de auga fervendo sobre a bolsiña e deixa en infusión durante 3-5 minutos.

Té verde, Té verde hortelá e Té verde limón

Té verde: 100 % té verde. Para os amantes do seu sabor lixeiramente amargo.

Té verde hortelá: té verde aromatizado con hortelá. Combina as propiedades saudables do té verde co sabor fresco da hortelá. Ingredientes: té verde (69,5 %), follas de hortelá deshidratada (30 %).

Té verde limón: a suavidade e frescura do té verde fusiónase coa acidez e co aroma cítrico do limón. Ingredientes: té verde con limón, raíz de regalicia e casca de limón. Precaución: contén regalicia, polo que se aconsella un consumo moderado para aquelas persoas que padezan hipertensión.

Modo de preparación dos nosos tés verdes: verte 150 ml de auga a 80 ºC sobre a bolsiña. Deixa en infusión de 2 a 3 minutos. Non introduzas a bolsiña no microondas.

Té matcha

Este té ten a súa orixe en Xapón e era protagonista na tradicional cerimonia do té. O noso té matcha obtense de follas enteiras de Té verde finamente moído e é unha bebida única, coñecida pola súa achega enerxética e polo seu rico sabor agridoce, concentrado e potente.

Contámosche todo sobre a versatilidade do Té matcha e as súas diferentes preparacións.

Té vermello

100 % té vermello. Unha variedade única de Té que pasa por un proceso de fermentación que lle dá a súa característica cor vermella e o seu sabor suave e doce, con notas terrosas.

Modo de preparación: verte 150 ml de auga fervendo sobre a bolsiña e deixa en infusión durante 3-5 minutos. Non introduzas a bolsiña no microondas.

Outras recomendacións

Hidrátate e refréscate coa nosa selección de Infusións frías, de amorodo e hortelá, de piña e coco e de froitos vermellos.

Probaches xa as nosas Bebidas enerxéticas carbonatadas? Conteñen taurina, vitaminas e cafeína para darche un extra de vitalidade.

Descubre a nosa selección de Sementes de sésamo, liño e chía e as súas principais formas de consumo.