A quen non lle gusta o queixo? É difícil encontrar un alimento con tanta variedade de sabores e texturas. O mellor exemplo é a nosa selección de Queixos, capaz de satisfacer todo tipo de padais.

Para que goces aínda máis desta ampla variedade, incorporamos unhas melloras de calidade e servizo que tamén queremos que coñezas.

Estas melloras de calidade están na liña doutras que xa fixemos con diferentes produtos. De forma constante, o nosos especialistas escoitan primeiro aos clientes, antes de desenvolver o traballo nos nosos centros de innovación para obter o mellor resultado en canto a sabor, olor, cor, textura e sostibilidade. Algúns exemplos son as nosas Maionesas, Patacas Alioli, Albóndegas, Salmón afumado…

Descubre todo o que rodea os nosos queixos. Cal che gusta máis?

Cales foron as melloras de calidade nos nosos Queixos?

Receitas

Cada queixo ten agora a súa propia receita de elaboración. Así, garantimos que cada un teña unhas características distintas e unha personalidade totalmente independente e diferenciada do resto.

Tempos de curación

É o tempo de proceso de secado que ten cada queixo. Este factor determina que se trate dun tipo de queixo ou outro.

• Tenro: 7 días
• Semicurado: 35 días
• Curado: 105 días
• Vello: 180 días
• Anello: 270 días

E as melloras de servizo?

Toda a información no envoltorio

Agora podemos identificar claramente os atributos xerais de cada queixo no seu envoltorio. Dende o grao de curación (tenro, curado, vello, etc.) determinado polo tempo que pasa o queixo curando, ata o seu atributo principal (cremoso, intenso, tostado…), pasando polo tipo de leite (agora se o queixo é de leite cru indícase na parte frontal do produto), animal do que procede o leite ou a procedencia ou grao de intensidade.

Adaptación a diferentes zonas e hábitos

Traballamos constantemente para ofrecer novos produtos na nosa selección, e tamén facemos as adaptacións necesarias que demandan diferentes zonas xeográficas e hábitos de consumo:

• Queixo de Cabra Vello: situado nas tendas de Cádiz, Huelva e algúns centros de Sevilla.
• Queixo Tenro Cabra: nas tendas de Cataluña, Illas Baleares, Comunidade Valenciana, Madrid, Murcia e Albacete
• Queixos curado e semicurado Payoya: dispoñibles en centros de Sevilla e Cádiz.
• Queixo Anello Tostado: en centros do sur de Andalucía.
• Queixo Manchego Vello: dispoñible en Castilla-La Mancha.
• Queixo ao Romeu: pódelo encontrar nas provincias de Castilla-La Mancha, Madrid, Murcia e algunhas zonas de Valencia.
• Queixo Vello Cava: En zonas de Algeciras e Cádiz.

A nosa selección de Queixos

Tenro

• Queixo tenro baixo en sal mestura: sabor moi suave láctico cunha moi lixeira acidez. Textura cremosa e firmeza baixa. É un queixo con só 0,3 g de sal (por cada 100 g, un gramo menos que a cuña de queixo tenro). Trátase dun queixo mestura de 3 leites (vaca, ovella e cabra), cunha curación mínima de 7 días. Nivel de intensidade 1. Non apto para alérxicos ao leite nin produtos lácteos, incluída a lactosa.
• Queixo tenro mestura: sabor moi suave láctico cunha moi lixeira acidez. Textura cremosa e firmeza baixa. Trátase dun queixo mestura de 3 leites (vaca, ovella e cabra), cunha curación mínima de 7 días. Nivel de Intensidade 2. Non apto para alérxicos ao leite e produtos lácteos, incluída a lactosa.
• Queixo tenro de cabra: sabor ácido agradable que lle achega o queixo 100 % Cabra, brando ao cortalo e textura cremosa. Trátase dun queixo cunha curación mínima de 5 días e nivel de intensidade 2. Non apto para alérxicos ao leite e produtos lácteos, incluída a lactosa.

Semicurado

• Queixo semicurado sen lactosa mestura: sabor equilibrado con aromas lácticos que recordan o leite fresco. Textura elástica e firmeza media. Apto para intolerantes á lactosa. Nivel de intensidade 3. Trátase dun queixo mestura de 3 leites (vaca, ovella e cabra) de entre 50 e 80 días de curación.
• Queixo semicurado de cabra: sabor ácido agradable que lle achega o queixo 100 % Cabra, compacto ao cortalo e textura cremosa. Trátase dun queixo cunha curación mínima de 60 días e nivel de intensidade 4. Non apto para alérxicos ao leite e produtos lácteos, incluída a lactosa.
• Queixo semicurado Payoya: queixo de puro leite de cabra, de textura firme e sen buratos na súa pasta. Textura seca, dura e homoxénea con codia natural comestible. Procedente dunha raza autóctona protexida onde só levan o selo de autenticidade aqueles que teñen 100 % leite cabra Payoya. Trátase dun queixo cunha curación mínima de 90 días e nivel de intensidade 5. Non apto para alérxicos ao leite nin produtos lácteos, incluída a lactosa.
• Queixo semicurado mestura: sabor equilibrado, lixeiramente doce e salgado con aromas lácticos que recordan o leite fresco e a a manteiga. Queixo de textura semicompacta e sabor medio, ideal para toda a familia. Nivel de intensidade 3. Trátase dun queixo mestura de 3 leites (vaca, ovella e cabra) cun mínimo de 50 días de curación. Non apto para alérxicos ao leite e produtos lácteos, incluída a lactosa.
• Queixo semicurado lixeiro mestura: sabor láctico e textura elástica, con firmeza media agradable ao padal. O seu baixo contido en graxa é un 30 % inferior ao queixo semicurado mestura. Trátase dun queixo mestura de 3 leites (vaca, ovella e cabra), cunha curación mínima de 50-80 días. Nivel de intensidade 2. Non apto para alérxicos ao leite e produtos lácteos, incluída a lactosa.

Curado

• Queixo manchego curado: queixo de sabor medio alto elaborado con leite de ovella manchega 100 % con textura compacta. Trátase dun queixo con denominación de orixe protexida, cunha curación mínima de 8 meses. Non apto para alérxicos ao leite nin produtos lácteos, incluída a lactosa.
• Queixo curado mestura: sabor equilibrado, lixeiramente salgado con ausencia de amargor e con persistencia media na boca. Trátase dun Queixo Mestura de 3 leites (vaca, ovella e cabra) de textura elástica e de firmeza media. Nivel de intensidade 4. Trátase dun queixo dun mínimo de 150 días de curación. Non apto para alérxicos ao leite e produtos lácteos, incluída a lactosa.
• Queixo curado Payoya: queixo de puro leite de cabra, de textura firme cremosa e con certa elasticidade. Á súa vez presenta un sabor de intensidade media e lixeiramente ácido. A súa capa externa ou codia é natural, de aí que sexa completamente comestible. Procedente dunha raza autóctona protexida onde só levan o selo de autenticidade aqueles que teñen 100 % leite cabra Payoya. Trátase dun queixo cunha curación mínima de 6 meses e nivel de intensidade 4. Non apto para alérxicos ao leite nin produtos lácteos, incluída a lactosa.

Vello

• Queixo vello de ovella: sabor intenso que lle proporciona o leite de ovella 100 % e textura firme que pode conter gránulos debido á curación lenta do queixo. Trátase dun queixo cunha curación mínima de 270 días e nivel de intensidade 5. Non apto para alérxicos ao leite e produtos lácteos, incluída a lactosa.
• Queixo vello tostado mestura: sabor afroitado de intensidade alta, cor amarelenta con tonalidades ocres alaranxadas. Ten un aroma torrefacto que recorda o Tofe. Trátase dun queixo mestura de 3 leites (vaca, ovella e cabra) con nivel de intensidade 5. Curación mínima de 300 días. Non apto para alérxicos ao leite e produtos lácteos, incluída a lactosa.
• Queixo vello cremoso de ovella: sabor de elevada intensidade elaborado con leite Ovella 100 % cru e textura cremosa agradable ao padal. Trátase dun queixo cunha curación mínima de 7 meses. Nivel de intensidade 5. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo vello intenso mestura: sabor intenso pola mestura de leites crus, equilibrado con textura firme e compacta. Trátase dun queixo cunha curación mínima de 8 meses. Nivel de intensidade 5. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo cabra vello: sabor intenso moi agradable para os amantes do picante cun sabor de gran persistencia e aroma de grande intensidade, de textura firme, pero á vez cremosa. Trátase dun queixo de leite de cabra cru cunha curación mínima de 6 meses e nivel de intensidade 6. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo manchego vello: queixo de sabor intenso elaborado con leite cru de ovella manchega 100 % con textura compacta. Trátase dun queixo con denominación de orixe protexida, cunha curación mínima de 8 meses e nivel de intensidade 5. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo vello afumado de ovella: queixo sabor equilibrado onde destaca o gusto do leite cru de ovella 100 % xunto aos aromas de madeira de faia branca con textura cremosa. Trátase dun queixo cunha curación mínima de 180 días e nivel de intensidade 5. Non apto para alérxicos ao leite e produtos lácteos, incluída a lactosa nin mulleres embarazadas.
  
• Queixo vello cava: queixo madurado en cava durante 6 meses. Elaborado en leite cru de vaca, ovella e cabra. A pesar de ser un queixo vello na boca ten textura cremosa (desfaise no padal) cun lixeiro picante. O nivel de intensidade deste queixo é de 6.

Anello

• Queixo anello aceite de oliva de ovella e cabra: Sabor intenso que lle proporciona o leite cru de ovella e cabra cunha textura cremosa no padal con impacto sensorial do aceite de oliva virxe extra. Trátase dun queixo cunha curación mínima de 12 meses. Nivel de intensidade 7. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo anello picante de ovella e cabra: sabor de elevada intensidade, lixeiramente ácido e salgado, con gran cantidade de matices onde destacan o aroma a leite fresco de cabra e ovella, elaborado con leite cru. Na boca aparece unha sensación picante crecente agradable que o fai característico. Trátase dun queixo cunha curación mínima de 12 meses e nivel de intensidade 7. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo anello ovella ao romeu: queixo de sabor intenso debido ao leite 100 % ovella cru e textura compacta. Con codia recuberta de romeu picado. Trátase dun queixo cunha curación mínima de 10 meses e nivel de intensidade 5. Non apto para alérxicos ao leite nin produtos lácteos incluída a lactosa, nin mulleres embarazadas.
• Queixo anello seco de ovella: sabor de elevada intensidade, lixeiramente ácido e salgado, con aroma a leite fresco de ovella e froitas moi maduras. Textura de firmeza alta e seca. Persistencia elevada e lixeiro picante na boca. Trátase dun queixo de leite cru, cunha curación mínima de 12 meses e nivel de intensidade 6. Non apto para alérxicos ao leite e produtos lácteos, incluída a lactosa.
• Queixo de ovella anello forte: sabor forte picante característico do leite cru de ovella 100 %, textura firme e compacta. Trátase dun queixo cunha curación mínima 12 meses. Nivel de intensidade 6. Non apto para alérxicos ao leite e produtos lácteos incluída a lactosa, nin mulleres embarazadas.
• Queixo anello ibérico: queixo de sabor intenso e textura cremosa elaborado con mestura de leites crus de vaca, cabra e ovella. Trátase dun queixo cunhas porcentaxes de leite determinadas que están lexislados, só así se pode denominar o Queixo Ibérico. Con denominación de orixe protexida e cunha curación mínima de 10 meses. Nivel de intensidade 6. Non apto para alérxicos ao leite nin produtos lácteos incluída a lactosa, nin mulleres embarazadas.

Outras recomendacións

Gústache o Queixo en porcións? Goza as súas moitas posibilidades de consumo e o seu rico sabor.

Outro exemplo de mellora de calidade dos nosos produtos son as nosas Bolsas zip de conxelación, un recurso imprescindible.

Coñeces toda a nosa selección de Tortillas de pataca? Descúbreo no noso lineal de pratos preparados e na sección Listo para Comer.