Gústache coidar a túa alimentación? consomes cereais de avea?

A avea é un ingrediente cun alto nivel de proteínas e fibra moi beneficioso para o teu organismo, xa que axuda a controlar os niveis de azucre en sangue e a reducir o colesterol; contén antioxidantes, minerais e vitaminas.

Os Cereais de Avea Crunchy son uns aneis de cereais extrusionados de avea integral especialmente indicados para os teus almorzos e merendas. Descúbreos!

Cereais de Avea cun 85% de avea integral e baixo contido en azucre

Estes cereais apórtanche todas as vantaxes nutricionais dos flocos de avea, pero nun formato crunchy (crocante).

Características:

• 85% de fariña integral de avea.
• Contén un 4,6% de azucre, necesario para darlle esta textura crocante.

Cal é a forma de consumo máis habitual dos Cereais de Avea Crunchy?

O máis frecuente é consumir estes cereais tanto con leite como con iogur, ou directamente sós. Recoméndanse, aproximadamente, 30 g por ración e decide ti con que azucralo!

Aprende a preparar 4 deliciosas receitas con estes cereais

Toma nota destas ideas de consumo con Cereais de Avea Crunchy, perfectas para coidar a túa alimentación:

Avea Crunchy con iogur + Proteínas sabor chocolate e con framboesas

Se che apetece algo doce e rápido esta receita é perfecta. Ademais, é unha combinación ideal para repoñer forzas despois de adestrar.

Ingredientes:

• Cereais Avea Crunchy.
• 1 iogur + Proteínas sabor chocolate.
• Framboesas.

Poñer o iogur + Proteínas de chocolate nunha cunca, engadir as framboesas e 30 g de cereais. Delicioso!

Avea Crunchy con queixo batido, arandos, framboesas, amorodos e mistura de sementes ou froitos secos

Unha idea perfecta para almorzar ou merendar, e o mellor de todo, facilísima!

Ingredientes:

• Cereais Avea Crunchy.
• Queixo batido.
• Mistura de sementes ou froitos secos torrados ou ao natural.
• Amorodos, framboesas e arandos.

Engadiremos ao queixo batido os Cereais de Avea, a mistura de sementes ou froitos secos que máis che gusten, arandos, framboesas e amorodos, pódelo azucrar como prefiras!

Avea Crunchy con iogur natural, mazá, noces e canela en po

Outra receita sinxela e superfácil de preparar!

Ingredientes:

• Cereais Avea Crunchy.
• Iogur natural.
• Noces cortadas en anacos.
• Mazá.
• Canela.

Poñer 30 g de cereais nunha cunca, cubrir con iogur natural, engadir mazá e noces en anacos e empoar con canela. A desfrutar!

Avea Crunchy con iogur bebible natural, plátano, po de cacahuete e chocolate 85%

Tes antollo de algo doce que sexa saudable?

Ingredientes:

• Cereais Avea Crunchy.
• Iogur bebible natural.
• Plátano.
• Anacos de chocolate negro 85%.
• Po de cacahuete.

Nunha cunca mistura o iogur cun plátano en toros, 30 g de cereais, empoa 2 culleradiñas de po de cacahuete e corta en anacos unha onza de chocolate. Espectacular!

Outras recomendacións

Aprende a preparar 4 deliciosas receitas con claras de ovo.