No Nadal, a comida convértese nunha oportunidade para compartir momentos e sabores especiais con amigos e familia. Esta tradición arredor dunha mesa, converteu a propia comida no símbolo do noso cariño e unión.
Presentámosche catro entrantes moi rápidos e fáciles de preparar, que resultan ideais para gozar compartindo. Advertímosche que son rápidos en canto a preparación, pero o seu sabor e a súa presenza son insuperables. Estas festas sírveos na túa mesa.
Paso a paso para preparar 4 receitas para compartir con 4 persoas
Vol au vent de tártaro e ovo de paspallás
Vol au vent dispoñible na Campaña de Nadal
1. Pica moi fino 2 chalotas, 4 cogombriños e un pouco ceboliño.
2. Mestúrao todo con 2 culleradas de aceite de oliva e media culleradiña de mostaza. Salpementa.
3. Pica en cubos moi pequenos 150 g de solombo de tenreira.
4. Agrega á mestura anterior e remove moi ben.
5. Quenta 12 vol au vents uns 5 minutos no forno a 180 ºC.
6. Arrefría. Enche coa mestura.
7. Coroa cun ovo de paspallás á prancha. O recomendable é comelo de inmediato.
Tosta de foie fresco con marmelada
Tosta de foie dispoñible na Campaña de Nadal
1. Pasa as pezas de foie volta e volta por unha tixola moi quente e sen aceite. Ata que douren.
2. Corta o pan de cristal pola metade e cada metade de novo en dúas, conseguindo 4 rebandas.
3. Tórraas e coloca un anaco de foie sobre cada unha das rebandas.
4. Sobre cada rebanda engade 1 culleradiña de marmelada de tomate, un pouco sal en escamas e unha ramiña de ceboliño.
Vol au vent de salmón e mascarpone
Vol au vent dispoñible na Campaña de Nadal
1. Mestura 150 g de mascarpone con sal e pementa, herbas picadas (ceboliño, alfábega e coandro) e un pouco zume de limón.
2. Coloca a mestura de mascarpone dentro de cada vol au vent, engade o salmón afumado en pequenos liscos ou taquiños.
3. Termina decorando con ovo fiado (dispoñible na Campaña de Nadal) e un chisco da reladura da pel dun limón.
Polbo braseado sobre hummus
1. Marca as patas de polbo na prancha ou nunha tixola, para que douren. Corta en anacos o polbo unha vez braseado.
2. Estende hummus na base dun prato ou fonte e coloca enriba os anacos de polbo.
3. Esparexe lixeiramente con pemento doce e sal en escamas.
4. Agrega un xeneroso chorro de aceite de oliva.
Outras recomendacións
No Nadal, nada mellor para compartir que uns momentos doces coa nosa exquisita selección de Turróns e Bombóns.
Toma nota destas 4 receitas de aproveitamento coas sobras do Nadal.