Mercadona, como mostra de apoio e solidariedade co pobo ucraíno, doa 1,5 millóns de euros para axudar aos refuxiados pola guerra de Ucraína. Esta axuda materializarase de xuño a decembro en Tarxetas Sociedade de 50 € cada unha, co obxectivo de axudar a cubrir os gastos básicos dos refuxiados que chegan a España e Portugal en calquera das nosas tendas. A través desta colaboración, prevé poder axudar a preto de 5.000 persoas refuxiadas.

A compañía fará entrega destas tarxetas a través das entidades autorizadas dentro dos plans oficiais de acollida de persoas desprazadas de Ucraína en España e Portugal.  

Así mesmo, esta axuda complementarase con doazóns de produtos de primeira necesidade aos Centros de Recepción, Atención e Derivación (CREADE) de refuxiados ucraínos localizados en distintos puntos de España, segundo as necesidades que dende os devanditos espazos vaian trasladando á compañía.