Mercadona Onlineko langile bat, onlineko eskaerak prestatzen

Mercadonaren onlineko erosketa berria Huelvara iritsi da

2022ko abenduaren 20a
  • Webgune eta aplikazio berriak erabilita, kategorien bidez edo bilatzailea erabiliz bilatu daitezke produktuak, eta, hala, modu intuitiboagoan egin erosketak.
  • Andaluziako onlineko salmentarako Mercadonaren lehen plataforma —Erlauntza— Sevillan dago.

Gaur, Huelvan online erosteko zerbitzu berria jarri du martxan Mercadonak. Eskaerak Erlauntzatik prestatu eta bidaliko zaizkie bezeroei; enpresak erlauntza deitzen die onlineko zerbitzurako biltegiei.

Sevillako Higuerón Sur eskualdean dago Erlauntza hori, eta hauei emango die zerbitzua: Huelva hiriburura, Aljaraque (Corrales eta Bellavista barne direla), Punta Umbría eta Palos de la Fronterara (La Rábida barne dela). Duela aste batzuetatik Sevillan ematen du zerbitzua Erlauntza honek, eta laster Jerez de la Fronteran emango du (Cádiz).

Webgune eta aplikazio berriak erabilita, kategorien bidez edo bilatzailea erabiliz bilatu ditzakete produktuak eremu horietako bezeroek, eta, hala, modu intuitiboagoan egin erosketak. Produktu bakoitzaren argazkiak eta informazio garrantzitsua eskura izango ditu bezeroak.

Eredu berri horren tarifa aurreko zerbitzuarena bera da (7,21 €/eskaera), eta entrega-ordutegia luzeagoa: eskaera egin eta hurrengo egunetik aurrera egingo dira, 7:00etatik 22:00etara, astelehenetik larunbatera, bi orduko tarteetan. Gainera, bezeroak erosketa aldatzeko aukera du entregatu aurreko gauera bitartean.

25 milioi euroko inbertsioa

Online banatzeko zentro berri horrek 25 milioi euroko inbertsioa eskatu du (lizitazio publikoan partzela erostea ere sartzen da kopuru horretan). Partzelak 30.220 metro karratuko azalera du, eta zentroak 9.938 metro karratukoa. Haietatik 1.850 produktu freskoetarako dira, produktu hoztuak eta izoztuak hotzean biltegiratzeko eremua barne. Produktu freskoak onlineko bezeroari ematen zaizkion egun berean jasotzen eta prestatzen dira, eta, beraz, kalitate gorena eta freskotasuna bermatzen dira.

Jasangarritasuna eta eraginkortasuna

ECO ingurumen-etiketa duten 30 ibilgailu daude Mercadonaren Sevillako Erlauntzan, denak mikrohibridoak, eta 15 eskaera ere garraia ditzakete. Ibilgailuok berariaz diseinatu dira hiru tenperatura-zona bereizita, produktu-mota bakoitzera egokitzeko: giro-tenperaturako produktuak, produktu hoztuak eta produktu izoztuak. Gainera, deskarga-sistema mekanizatu bat dute ibilgailuek karga-manipulazioa minimizatzeko, eta, hala, langileak gainesfortzu gutxiago egiteko eta deskarga-denbora murrizteko.

Bestalde, estalkiaren azalean 648 panel fotovoltaiko jarri dira. Horiekin, Erlauntzak bere burua hornitzen du eguneroko energia-kontsumoan. Instalazioetan hobekuntzak egin dira, hala nola korridoreak optimizatu, langileek ibilbideak urrats gutxiagotan egin ditzaten. Horrez gain, ibilgailuen sarrera eta irteera modu eraginkorrean diseinatu dira, eta bi trakzio-malguki daude, hornikuntza-prozesua hobetzeko.

Mercadona Huelvako probintzian

Mercadonak 20 supermerkatu ditu Huelvan (hiriburuan eta probintzian), haietatik 18 Denda Eraginkorraren Eredu Berriari jarraitzen diotenak, eta guztira 900 langile baino gehiago ditu, enplegu egonkor eta kalitatekoarekin. Probintziako hornitzaileei 200 milioi eurotik gorako erosketak egin zitzaizkien azken ekitaldian.

Gainera, gizartetik jasotzen duenaren zati bat berari itzultzea da Mercadonak gizartearekin dituen konpromisoetariko bat, eta Huelvan duen gizarte-erantzukizuna indartu zuen iaz zenbait ekimenen bidez; 251 tona elikagai baino gehiago eman zizkien dohaintzan erakunde sozialei.

Mercadona Onlineren Sevillako Erlauntzaren kanpoaldeaMercadonaren Erlauntza, kanpotik

Mercadona Onlineko langile bat onlineko eskaerak prestatzenMercadona Onlineko langile bat, onlineko eskaerak prestatzen.

Mercadona Onlineren Sevillako Erlauntza barrutikMercadonaren Erlauntza, barrutik

Banaketa-ibilgailuak Sevillako Erlauntzatik irtetenBanaketa-furgoneta bat Erlauntzetik ateratzen.

Goiburuko irudia: Mercadona Onlineko langile bat, onlineko eskaerak prestatzen.