Mercadonaren eta Madrilgo Erkidegoko Gurutze Gorriaren ordezkariak elikagai-entregan.

Mercadonak 7,2 tona premiazko elikagai eman dizkio Madrileko Erkidegoari

2020ko maiatzaren 29a
  • Konpainiak zenbait erakunde sozialekin, hala nola Madrilgo Erkidegoko Gurutze Gorriarekin, duen lankidetza sendotu du, premiazko produktuak emanez: besteak beste, arroza, pasta, lekaleak, olioa, arrain-kontserbak, galletak eta esnea.
  • Mercadonak sendotu egin ditu elikagai-dohaintzak COVID-19 gaitzak eragin duen egoera berezian, bizi dugun egoera biziki konplexu honek sortutako beharrei erantzuteko.
  • Konpainiak, orain arte, 151 tona baino gehiago eman dizkie produktu eta elikagaitan Madrilgo Erkidegoko zenbait erakunde soziali.
  • 2019an, konpainiak 403 tona premiazko elikagai banatu zituen Madrilgo Erkidegoan bakarrik.

Mercadona supermerkatu fisikoen eta onlineko salmentako konpainiak bere Eredu Arduratsua sendotu du COVID-19 gaitzak eraginda herrialdeak bizi duen egoera berezian. Hala, Madrilgo Erkidegoan ohiko lankide dituen erakunde sozialekiko dohaintza-prozesua indartu du, eta neurri berriak ezarri ditu pertsonen segurtasuna nahiz erakunde horien hornidura bermatzeko.

José Antonio Rueda Mercadonaren Madrilgo Kanpo Harremanetarako zuzendariak hau nabarmendu du: “Konpainiak, behar handiena duten kolektiboen ondoan egoteko konpromiso irmoan, bere Eredu Arduratsua indartu du, eta elkarlanean jardun du Madrilgo Erkidegoko elikagai-bankuekin eta jantoki sozialekin —2019an, 402,9 tona elikagai banatu zituen eskualdean—. Bizi dugun egoera berezi hau oso aldakorra da, eta bizkorrak izan behar dugu gure erabaki eta planteamenduetan, helburu bakar bat izanik: egin behar den guztia egitea bizi dugun egoera bereziki konplexu honetan pertsona ahulenen beharrei erantzuteko”.

Bestalde, José Carlos García Yonte Gurutze Gorriak Madrilgo Erkidegoan duen Enpresekiko Aliantzen eta Erantzukizun Soziala arloaren arduradunak honela adierazi du: “COVID-19ak gogor jo ditu egoera ahulean dauden pertsonak, baina baita oraindik pobreziaren atalasera iritsi gabe zeudenak ere. Gurutze Gorriak haien premiarik oinarrizkoenei berehalako erantzuna eman ahal izan die Mercadonaren eta beste erakunde batzuen konpromisoari esker, Gurutze Gorriak Erantzun planera elkartu baitira. Plan hori baliabide, gaitasun eta pertsonen mobilizaziorik handiena da Gurutze Gorriaren historian”.

Gizarte-ekintza jasangarriko politika, Mercadonaren enpresa-erantzukizun sozialean integratua

Mercadonak, gizartetik jasotzen duenaren zati bat gizartearekin partekatzeko konpromisoaren barruan, aipatutako Erantzukizun Sozialeko Plana garatu du, zeinak hainbat jarduera-ildo jasangarriren bidez jorratzen baititu konpainiaren alderdi soziala eta etikoa, hazkunde partekatuaren aldeko jardunaren sendogarri guztiak ere. Politika horren testuinguruan, Mercadonak Espainiako eta Portugalgo 240 jantoki soziali baino gehiagori, 60 elikagai-bankuri baino gehiagori eta gizarte-ekintzako beste zenbait erakunderi ere laguntzen die, elikagaiak emanez edo elikagaiak jasotzeko antolatzen dituzten kanpainetan parte hartuz.

2020an, orain arte, 5.212 tona elikagai banatu ditu guztira konpainiak erakunde horien artean; 5.002 Espainian, eta 210 Portugalen. Kantitate horiek handituz joan dira martxoaren 26an, COVID-19 gaitzak konpainiaren prozesuetan eragindako etenaren ondoren, konpainiak erabaki zuenetik berriro aktibatzea lagundu ohi dien jantoki sozialei eta elikagai-bankuei premiazko produktuak emateko prozesua.

Halaber, bere dendak trencadisezko muralekin apaintzeko, 32 fundazio eta okupazio-zentrorekin lankidetzan jarduten da Mercadona. Askotariko desgaitasunak dituzten mila lagunek baino gehiagok egiten dituzte mural horiek.

Ingurumen-jasangarritasuna da Mercadonaren Erantzukizun Sozialeko Planaren beste ildo estrategiko bat. Ingurumena Kudeatzeko Sistema propio bat du, hiru helburu dituena: logistika hobetzea, energia-efizientzia areagotzea eta hondakin gutxiago sortzea. Sistema horren parte batek ekonomia zirkularra du inspirazio-iturri, eta hau du xede: hondakinak berriz ere baliabide bilakatzea, Totaler Hornitzaileekin elkarlanean jardunez.  Gainera, lanean ari da Hiri Banaketa Jasangarriaren Proiektua garatzen eta gure hirietako airearen kalitatea hobetzen, kamioi eta furgonetak higiarazteko teknologia garbiagoak eta eraginkorragoak erabiliz.

2009az geroztik, Jasangarritasunerako Banaketaren Europako Foroko (REAP) partaide da Mercadona. Hainbatean behin, erakunde horretako kide guztien jardueraren jasangarritasunaren kanpo-ikuskapenak egin ohi dira. Europako Batzordea ere erakundeko lehendakaritzako kide da. Bestalde, Nazio Batuen Mundu Hitzarmeneko bazkide da 2011. urtetik; hitzarmen horrek giza eskubideen, lan-arauen, ingurumenaren eta iruzurraren aurkako borrokaren oinarrizko balioak jasotzen ditu.

Mercadonaren elikagai-entrega Madrilgo Erkidegoko Gurutze GorriariMercadonaren elikagai-entrega Madrilgo Erkidegoko Gurutze Gorriari.

Mercadonaren eta Madrilgo Erkidegoko Gurutze Gorriaren ordezkariak elikagai-entreganMercadonaren eta Madrilgo Erkidegoko Gurutze Gorriaren ordezkariak elikagai-entregan.

Logo EAktibatu