- Konpainiak inguru horretako erakunde sozialekiko lankidetza sendotu du, eta premiazko produktuak eman dizkie, hala nola edari isotonikoak, postreak eta urdaitegiko produktuak.
- Mercadonak sendotu egin ditu elikagai-dohaintzak COVID-19 gaitzak eragin duen egoera berezian, eta bizi dugun egoera bereziki konplexu honek sortutako beharrei erantzun die.
- Konpainiak, orain arte, 150.000 kilo baino gehiago eman dizkie produktu eta elikagaitan Valentzia eta Castelló probintzietako erakunde sozial batzuei.
- 2019an, konpainiak 245.000 kilo premiazko elikagai eman zituen Valentzia eta Castelló probintzietan.
Mercadonak, supermerkatu fisikoen eta onlineko salmentaren konpainiak, bere Eredu Arduratsua sendotu du COVID-19 gaitzak eraginda herrialdeak bizi duen egoera berezian. Aste honetan, beste dohaintza bat egin du: 17.800 kilo elikagai inguru eman dizkie (adibidez, edari isotonikoak, postreak eta urdaitegiko produktuak) Valentziako eta Castellóko probintzietako zenbait erakunde soziali, eta neurri berriak ezarri ditu pertsonen segurtasuna nahiz erakunde horien hornidura bermatzeko.
Produktu horiek maiz elkarlanean aritzen diren elkarteei eta bestelako elkarte batzuei eman dizkie. Elkarlanean aritzen diren elkarte horien artean, hauek daude, besteak beste: Valentziako Casa Caridad, Valentziako Sant Joan de Déu jantokia, Valentzia eta Castellóko elikagai-bankuak eta Castellóko Comedor Municipal y Albergue de Transeúntes. Bestelako elkarte horien artean, berriz, beste hauek: Valentziako, Gandiako eta Olivako Cáritas, Alzirako, Torrenteko eta Xàtivako Gurutze Gorria, Aldaiako Ciudad de la Esperanza elkartea, Valentziako Erkidegoko Mensajeros de la Paz, Torrenteko Camí Real parrokia eta Valentziako Proyecto Vivir Fundazioa.
Borja Catalina Valentzia Hegoaldeko Mercadonaren Kanpo Harremanetarako zuzendariak hau nabarmendu du: “Konpainiak, behar handiena duten kolektiboen ondoan egoteko konpromiso irmoan, bere Eredu Arduratsua indartu du, eta elkarlanean jardun Valentzia eta Castelló probintzietako elikagai-bankuekin eta jantoki sozialekin. 2019an, 245.000 kilo elikagai eman zizkien, eta aurten, orain arte, 150.000 kilo produktu eta elikagai baino gehiago eman dizkie. Bizi dugun egoera berezi hau oso aldakorra da, eta bizkorrak izan behar dugu gure erabaki eta planteamenduetan, helburu bakar bat izanik: egin behar den guztia egitea bizi dugun konplexutasun handiko egoera berezi honetan pertsona ahulenen beharrei erantzuteko”.
Gizarte-ekintza jasangarriko politika, Mercadonaren enpresa-erantzukizun sozialean integratua
Mercadonak, gizartetik jasotzen duenaren zati bat gizartearekin partekatzeko konpromisoaren barruan, aipatutako Erantzukizun Sozialeko Plana garatu du, zeinak hainbat jarduera-ildo jasangarriren bidez jorratzen baititu konpainiaren alderdi soziala eta etikoa, hazkunde partekatuaren aldeko jardunaren sendogarri guztiak ere. Politika horren testuinguruan, Mercadonak Espainiako eta Portugalgo 240 jantoki soziali baino gehiagori, 60 elikagai-bankuri baino gehiagori eta gizarte-ekintzako beste zenbait erakunderi ere laguntzen die, elikagaiak emanez edo elikagaiak jasotzeko antolatzen dituzten kanpainetan parte hartuz.
2020an, orain arte, 4.130 tona elikagai banatu ditu guztira konpainiak erakunde horien artean; 3.926 Espainian, eta 204 Portugalen. Kantitate horiek handituz joan dira martxoaren 26an, COVID-19 gaitzak konpainiaren prozesuetan eragindako etenaren ondoren, konpainiak erabaki zuenetik berriro aktibatzea enpresak lagundu ohi dituen jantoki sozialei eta elikagai-bankuei premiazko produktuak emateko prozesuak.
Halaber, bere dendak trencadisezko muralekin apaintzeko, 32 fundazio eta okupazio-zentrorekin lankidetzan jarduten da Mercadona. Askotariko desgaitasunak dituzten mila lagunek baino gehiagok egiten dituzte mural horiek.
Ingurumen-jasangarritasuna da Mercadonaren Erantzukizun Sozialeko Planaren beste ildo estrategiko bat. Ingurumena Kudeatzeko Sistema propio bat du, hiru helburu dituena: logistika hobetzea, energia-efizientzia areagotzea eta hondakin gutxiago sortzea. Sistema horren parte batek ekonomia zirkularra du inspirazio-iturri, eta hau du xede: hondakinak berriz ere baliabide bilakatzea, Totaler Hornitzaileekin elkarlanean jardunez. Gainera, lanean ari da Hiri Banaketa Jasangarriaren Proiektua garatzen eta gure hirietako airearen kalitatea hobetzen, kamioi eta furgonetak higiarazteko teknologia garbiagoak eta eraginkorragoak erabiliz.
2009az geroztik, Jasangarritasunerako Banaketaren Europako Foroko (REAP) partaide da Mercadona. Hainbatean behin, erakunde horretako kide guztien jardueraren jasangarritasunaren kanpo-ikuskapenak egin ohi dira. Europako Batzordea ere erakundeko lehendakaritzako kide da. Bestalde, Nazio Batuen Mundu Hitzarmenaren bazkide da 2011. urtetik, zeinak jasotzen baititu giza eskubideen, lan-arauen eta ingurumenaren aldeko eta iruzurraren aurkako borrokaren oinarrizko balioak.
Torrenteko Gurutze Gorriko ordezkariak Mercadonako langileekin elikagai-entregan.
