Mercadona supermerkatu fisikoen eta onlineko salmentako konpainiak bere Eredu Arduratsua sendotu du COVID-19 gaitzak eraginda herrialdeak bizi duen egoera berezian, eta 1.400 kilo premiazko produktu eman dizkio Cádizeko Elikagai Bankuari. Zehazki, kontserbako atuna, biberoiak eta tetinak eman ditu.

Rafa Piñero Cádizeko Mercadonaren Kanpo Harremanetarako zuzendariak hau nabarmendu du: “Konpainiak, behar handiena duten kolektiboen ondoan egoteko konpromiso irmoan, bere Eredu Arduratsua indartu du, eta elkarlanean jarduten du Cadízeko probintziako elikagai-bankuekin eta jantoki sozialekin; urte-hasieraz geroztik 700 tona premiazko produktu eman ditu, hau da, 2019an baino % 166 gehiago. Bizi dugun egoera berezi hau oso aldakorra da, eta bizkorrak izan behar dugu gure erabaki eta planteamenduetan, helburu bakar bat izanik: bizi dugun egoera bereziki konplexu honetan pertsona ahulenen beharrei erantzutea.

Bestalde, Isabel Gomis Cádizeko Elikagai Bankuko presidenteak berriz ere eskerrak eman dizkio Mercadonari “dohaintza berri honengatik, pandemia larriagotu egin den eta familien beharrak handitzen ari diren une hauetan. Enpresa solidarioei esker, hala nola Mercadonari esker, Cádizeko probintziako ehunka familiari laguntzen jarraitu dezakegu. Gomisek gogorarazi du, halaber, konpainiak Elikagaien Bilketa Handian parte hartuko duela Cádizeko probintziako bere zentro guztiekin. Aurten, azaroaren 16tik 22ra egingo da, eta bezeroek diru-dohaintzak egiteko aukera izango dute kutxa-lerrotik igarotzean. “Hala, eta gaur egungo osasun-egoera kontuan hartuta, modu erosoan egin ahal izango dira diru-ekarpenak, elikagaiak zuzenean erosteko, emaile eta boluntarioak arriskuan jarri gabe”, adierazi du.

Gizarte-ekintza jasangarriko politika bat, Mercadonaren enpresa-erantzukizun sozialean integratua

Mercadonak, gizartetik jasotzen duenaren zati bat gizartearekin partekatzeko konpromisoaren barruan, Erantzukizun Sozialeko Plan bat garatu du, zeinak hainbat jarduera-ildo jasangarriren bidez jorratzen baititu konpainiaren alderdi soziala eta etikoa, hazkunde partekatuaren aldeko jardunaren sendogarri guztiak ere. Plan horren testuinguruan, Mercadonak Espainiako eta Portugalgo 285 jantoki soziali baino gehiagori, 60 elikagai-bankuri eta gizarte-ekintzako beste zenbait erakunderi ere laguntzen die, elikagaiak emanez edo elikagaiak jasotzeko antolatzen dituzten kanpainetan parte hartuz.

2020an, orain arte, 13.208 tona elikagai banatu ditu guztira konpainiak erakunde horien artean; 12.438 Espainian, eta 770 Portugalen. Kantitate horiek handituz joan dira konpainiak erabaki zuenetik berriro aktibatzea lagundu ohi dien jantoki sozialei eta elikagai-bankuei premiazko produktuak emateko prozesua.

Halaber, bere dendak trencadisezko muralekin apaintzeko, 32 fundazio eta okupazio-zentrorekin lankidetzan jarduten da Mercadona. Askotariko desgaitasunak dituzten mila lagunek baino gehiagok egiten dituzte mural horiek.

Jasangarritasuna da Mercadonaren Erantzukizun Sozialeko Planaren beste ildo estrategiko bat. Ingurumena Kudeatzeko Sistema propio bat du, ekonomia zirkularrean oinarritua eta helburu hauek dituena: logistika hobetzea, energia-efizientzia areagotzea, hondakinak kudeatzea, modu jasangarrian ekoiztea eta plastikoa murriztea. Ildo horretatik, nabarmentzekoa da Mercadona, bere Totaler Hornitzaileekin batera, 6.25 Estrategian lanean ari dela 2025ean helburu hirukoitz bat lortzeko: plastikoa % 25 murriztea, plastikozko ontzi guztiak birziklagarriak izatea, eta material horren hondakin guztia birziklatzea. Gainera, lanean ari da Hiri Banaketa Jasangarriaren Proiektua garatzen eta gure hirietako airearen kalitatea hobetzen, kamioi eta furgonetak higiarazteko teknologia garbiagoak eta eraginkorragoak erabiliz.

Bestalde, Mercadona Nazio Batuen Mundu Hitzarmeneko bazkide da 2011. urtetik; hitzarmen horrek giza eskubideen, lan-arauen, ingurumenaren eta iruzurraren aurkako borrokaren oinarrizko balioak jasotzen ditu.

Isabel Gomis eta Carlos Martínez, Cádizeko Elikagai Bankuko presidentea eta presidenteordea, Rafa Piñero Cádizeko Mercadonaren Kanpo Harremanetarako zuzendariarekin, produktu-entregan.