Sevillako Udaleko Hirigintza Gerentziak obra-lizentzia eman dio Mercadona supermerkatu fisikoen eta onlineko salmentako enpresari, online salmentarako bakarrik izango duen biltegi bat eraikitzeko eta hala Sevillan Internet bidez erosteko proiektua garatzeko. Enpresak "Erlauntza" deitzen dion biltegi hori eraikitzen urtarrilean hasiko dira, eta 14 milioi euroko inbertsioa eskatuko du. Mercadonaren aurreikuspenen arabera, 2022aren amaieran egongo da lanerako moduan, eta, martxan jarritakoan, Sevillari eta inguruko herriei emango die zerbitzua.

Higuerón Sur inguruko 30.220 metro koadroko partzela baten gainean eraikiko du Mercadonak online saltzeko bere biltegi esklusiboa. Partzela hori Sevillako Udaleko Hirigintza Gerentziak esleitu zion, lizitazio publikoko prozesu batean, 10,8 milioi euroren truke.

Horrelako hiru zentro ditu Mercadonak gaur egun: Valentzian bat, Bartzelonan beste bat eta Madrilen hirugarrena. Azken hori 2020ko apirilean hasi zen lanean, konfinamendu betean, enpresak areagotu egin baitu berrikuntza digitaleko prozesua, bezeroen beharretara egokitzen jarraitzeko.

Mercadona Sevillan

Enpresak 4.473 langile ditu Sevillan, lanpostu egonkor eta kalitatekoa dutenak, eta 72 supermerkatu eta bloke logistiko bat du Huévar del Aljarafe udalerrian, non 7.000 metro karratuko arrain-pabiloi berri bat eraiki baitu eta azaroan martxan jarri. Mercadonak 50 milioi eurotik gora inbertitu ditu probintzian 2021ean.

Mercadona Onlineren lehen "Erlauntza"ren aurrealdea, Vara de Quarten (Valentzia).