Mercadonak berriro jaso du orotariko banaketaren sektoreko konpainien artean talentua erakarri eta atxikitzeko enpresa onena izatearen aintzatespena eta giza baliabideetako lantaldeen kudeaketa onena egiten dutenen ranking globaleko zortzigarrena izatearena. Konpainiak posizio horiek lortu ditu Ospe Korporatiboaren Espainiako Monitorearen Merco Talento rankingean. Espainian eta Latinoamerikan 2006az geroztik erreferentzia gisa erabiltzen den ospe korporatiboaren enpresa-monitore garrantzitsu bat da monitore hori.

Rankinga egiteko, 50.000 inkesta baino gehiago egin dira 11 iturburu erabiliz: katedratikoak, adituak, giza baliabideetako arduradunak, langileak eta unibertsitarioak, besteak beste. Inkestetan balioetsi dira, langileen kudeaketa-gaitasunaz gain, talentuari eragiten dion ospearen zenbait alderdi, kontuan harturik enpresek talentua erakarri eta atxikitzeko duten gaitasunaz nolako pertzepzioa duten kolektiboek. Horren bidez, Mercok Espainian lan egiteko dauden 200 enpresa erakargarrienak aukeratu ditu.

100.000tik gorako familia bat: kontratu finko eta kalitatezkoak

Mercadona oso harro dago lortutako emaitzekin, bere 100.000 langiletik gorako familiaren aintzatespena direlako.

Mercadonak jakin badaki langileak bezeroen aktiborik garrantzitsuena eta enpresa hazten jarraitzeko funtsezkoak direla; horregatik, lanpostu egonkor eta kalitatezkoen alde egiten du, eta sektoreko batez besteko soldataren gainetik ordaintzen du.

Horrez gain, Mercadonaren giza baliabideen politikak prestakuntzaren, etorkizun profesionalaren eta talentua sustatzearen alde egiten du. 2023an, konpainiak 110 milioi euro erabili zituen bere plantillaren trebetasunak eta ezagutzak sendotzen eta hobetzen, eta 2.221 langile mailaz igo ziren erantzukizun handiagoko lanpostuetara.