Mercadonak beste supermerkatu eraginkor bat inauguratu du Santurtzin (El Árbol industrialdea, 15-17). Denda berrian, 7,8 milioi euroko inbertsioa egin da, eta 40 langile ari dira lanean. Bestalde, 71 hornitzailek hartu dute parte eraikitze-lanetan, eta 80 langile aritu dira eraikitze-fasean.

Atal guztietan ditu berrikuntzak saltoki berriak. Besteak beste, baditu esne freskoarentzako eta zuku hoztuentzako berariazko linealak; urdaitegi berri bat, urdaiazpikoa ebakitzeko eta hutsean ontziratzeko aukera ematen duena; erakustoki zentral bat lurrindegian, kosmetika espezializaturako; laranja zukutu berria eskaintzeko zerbitzu berri bat; sushi-espezialitateak; labeko atal berria, ogia xerratan mozteko makina bat eta pastel hoztuak ere badituena; eta erakustoki berri bat arrandegian, produktu oskoldunetarako.

Halaber, Jateko Prest atal berria jarri da saltokian, eta jateko prest dauden platerak eskaintzen dira bertan. Abenduaren 28ra arte Gabonetako platerak aurkitu ahal izango dira han. Hauek dira aipagarrienak: 18 kanapeko erretilua, zenbait nahasketaz osatua, hala nola gazta izokinarekin eta ezamihiluarekin, edo txahalki errearen krema gaztarekin eta aurtengo beste zenbait nobedade, besteak beste, hummusez betetako tartaletak eta bakailao-brandadazko tartaletak oliba beltzaren patearekin. Plater nagusien artean, berriz, aipagarriak dira oilategiko oilasko hezurgabe betea (hauekin betea: tipulatxak, boilurra, foiea, aranak, brandya eta urdaia); txerrikume errea, erdia; esneko arkumearen besoa, gatz, erromero, ezkai eta limoiarekin marinatua; edo masailak ardo beltz eta haragi-saltsan gisatuak. Guztiak panadera-patatekin eta kipula konfitatuekin zerbitzatuak, eta etxean labeko edo mikrouhin-labeko azken puntuan ematea aski dutela. Plater horiek material naturalekin egindako ontzietan datoz (azukre-kanaberazkoak —konpostagarriak—, kartoizkoak nahiz paperezkoak).

Supermerkatuek, beste zenbait hobekuntzaren artean, sarrera berria dute, beira bikoitzekoa, haize-korronteak saihesteko; korridore zabalagoak; atsedengune bat dendan bertan, aulki eta mahaiekin, “Nagusi"ek (bezeroak) plater prestatu berriak jan ditzaten, edari hotzez lagunduta; erosketako orga-modelo berri bat, eta saski-estiloko orga-modelo berri bat, askoz arinagoa eta ergonomikoagoa.

Supermerkatu berri honek 1.500 metro karratuko salmenta-aretoa du, eta diseinu erabat berritua aurreko denda-ereduarekin alderatuta: kolore eta material berriak ditu, bai sartzeko kanpoko fatxadan, bai atalen banaketan. Gainera, espazio irekien alde egiten du, argi naturala errazago sar dadin, eta kolore beroak erabiltzen ditu eremuak bereizteko. Supermerkatu berriak 135 aparkaleku ditu, bi solairutan banatuak.

Energia aurreztea: denda ekoeraginkorra

Ingurumenaren arloan, hartu diren neurriei esker, % 40raino murriztu da energia-kontsumoa, ohiko denda-ereduarekin alderatuta: isolamendu termiko eta akustikoa hobetu da, materialak optimizatu dira, hormak eta sabaiak zabaldu, eta izozkailu horizontal berriak ezarri —eraginkorragoak dira energiari dagokionez, eta ingurumena gehiago zaintzen dute—. Horrez gain, LED argiztapen-sistema automatizatu bat du supermerkatuak, eremuen arabera eta eguneko uneen arabera erregulatzen dena, energia askoz modu eraginkorragoan kudeatzeko. Eguzki-plakak ere jarri dira, eta, haiei esker, % 20 baino gehiagoko energia-aurrezpena lortzen da.

Supermerkatua astelehenetik larunbatera egongo da irekita, 9:00etatik 21:00etara. Horrez gainera, erosketa etxera eramateko zerbitzua du Mercadonak, bai eta erosketa online egiteko aukera ere, webgunearen bidez: www.mercadona.es.

Teknologia eta ergonomia langileentzat

Horrez gainera, langileen eguneroko lanak errazteko, supermerkatu berri honek askotariko neurriak ditu ergonomia hobetzeko eta neurriz gaineko ahaleginik ez egiteko. Esate baterako, kutxetako altzari berria Valentziako Biomekanika Institutuarekin batera garatu da. Eremu komunak ere baditu dendak, langileak eroso ibil daitezen atsedenaldietan. Jangela ekipamendu egokiz hornituta dago, eta aldageletako armairu pertsonalak zabalagoak eta erosoagoak dira.

Halaber, denda eraginkor berri hau erabat konektatuta dago teknologikoki, eta gailu elektroniko eta tresna kolaboratibo berri batzuk ditu langileentzat, informazioa dendako edozein ataletatik partekatzeko; horri esker, supermerkatu bakoitza errazago autokudeatzen da, eta kate osoko prozesuak arintzen dira. Gailu berrien artean daude, besteak beste, kutxa-lerroa, balantzak eta, izapide administratiboak egiteko, tableta elektronikoak, paperaren ordez. Horrek guztiak aukera ematen du prozesuak optimizatzeko eta dendaren kudeaketaren berri denbora errealean izateko. Hala, errazago hartzen dira erabakiak, eta kudeaketa azkartzen da —bereziki, produktu freskoena—.

Mercadona Euskadin

2021eko ekitaldiaren amaieran, Mercadonak 578 milioi euroko erosketa-bolumena izan du Euskadin. Kopuru hori bertako ekoizle-sarearen alde konpainia egiten ari den lan iraunkorraren isla da. 2021aren amaieran 2.000 langile baino gehiago zituen konpainiak, guztiak ere enplegu egonkor eta kalitatezkoarekin.

Denda eraginkorraren eredu berriari dagokionez, 2017an hasi zen Euskadin ezartzen, Donostiako supermerkatua ireki zuenean. Gaur den egunean, konpainiak 31 supermerkatu ditu Euskadin, eta haietako 30ek ezarria dute jada eredu berria.

Santurtziko supermerkatu eraginkor berriaren kanpoaldea.