Ezagutu gure abendu-egutegiak, edertasun- eta makillaje-produktudunak.

Abendu-egutegiak zure edertasunerako eta zaintza pertsonalerako

2023ko urriaren 02a

Makillajerako eta lurrindegiko produktu berriak probatu nahi dituzu? Udazken honetan, Gabonetako denboraldirako prestatzeko, hiru aukera dotore proposatzen dizkizugu: emakumezkoentzako minilurrin ikonikoen bilduma, makillaje-produktu funtsezkoen liburu magikoa eta Sweet Winter 24 makillaje-produktu ezinbestekoak.

Abian da atzerako kontaketa!

Iconic Fragances sorta

Lote Iconic Fragances Mercadona

Zure zentzumenetarako minilurrin ikonikoen bilduma. Ospatu udazkenaren etorrera miniaturazko 12 lurrinen bilduma esklusibo honekin. Ezin hobeak dira zure eguneroko errutinarako.

  • Ikiru Femme. Eau de toilettea, 12 ml. Zitriko-usainaren ukitua.
  • ComoTú Amor. Eau de toilettea, 12 ml. Ekialdeko usain-ukitua.
  • Complicity. Eau de toilettea, 12 ml. Lore-usainaren ukitua.
  • Éclat Shine. Eau de parfuma, 12 ml. Ekialdeko usain-ukitua eta mugurdiaren eta fruitu gorrien ukitua.
  • Elección. Eau de parfuma, 12 ml. Lore-usainaren ukitu bizia.
  • Ella. Eau de parfuma, 12 ml. Ekialdeko lore-usainaren ukitua.
  • Borealia Shine For Her. Eau de parfuma, 12 ml. Fruta-usainaren ukitua.
  • My Soul Enchanted. Eau de parfuma, 12 ml. Ekialdeko usain-ukitua.
  • My Soul Supreme. Eau de parfuma, 12 ml. Ekialdeko lore-usainaren ukitua.
  • Rose Nude. Eau de parfuma, 12 ml. Lore-usainaren ukitua, hautseztatua.
  • Soplo. Eau de toilettea, 12 ml. Lore-usainaren ukitua.
  • Verissime Bright. Eau de parfuma, 12 ml. Lore-usainaren ukitua.

12 Make Up Essentials sorta

Lote 12 Make Up Essentials Mercadona

Murgildu mundu magiko batean gure 12 produktu funtsezkoen kitarekin. Fantasiazko liburu baten diseinua du. Liburua irekitzen duzunean, urrutiko erreinu batera eramango zaituzten 12 edertasun-produktu aurkituko dituzu.

Udazken honetan guztiok nahi dugun “aurpegi ona”ren efektua lortzeko, makillaje-produktu beharrezko guztiak ditu bildumak.

Liburu honetako funtsezko altxor guztiek ekarriko dizkizue gogora edertasun eta dotorezia atenporala.

  • Urre-tonuko beltzarantzekoa: distira urrekara eta beroa emango dizu.
  • Betazaletan distirak sortzeko pigmentua: ezin hobea da zure betazalei kolore-ukitu berezia eman eta zure begiak distira zoragarri leunekin nabarmentzeko.
  • Betazaletarako aurreoinarri iraunkorra: leuna eta zeta-antzekoa da, eta zure betazalak prestatzeko eta zure begi-itzalek egun osoan egoera onean irauteko diseinatua dago.
  • Begietarako arkatza: testura leun eta iraunkorra du, eta ezin hobea da zure begirada ukitu dotore batekin nabarmentzeko.
  • Begi-itzal nudeen paleta: kolore neutro, leun eta naturalak.
  • Barra-formatuko argitzailea: zure masailalboak distira etereo eta distiratsu batekin nabarmentzeko aproposa. Erabil ezazu bekainen arkuan ere, betazalak altxatzeko; eta begi-txokoan, begirada zabaltzeko.
  • Ezpainetako baltsamo hidratatzailea: osagai nutritiboekin formulatua, ezpain leunak izan ditzazun.
  • Ezpainetako distira: zure looka osatzen duen distira leun eta mamitsua.
  • Iraupen luzeko ezpainetako likidoa: tonu zoragarri eta atenporalekoa. Zeta-antzeko testura emeki irristatzen da zure ezpainetan, kolore bikaina emateko.
  • Makillatzeko mikrozuntzezko esponja: makillaje jariakor, krematsu eta hautsetarako esponja. Aldez aurretik apur bat bustiz gero, errazagoa da akabera uniformea lortzea.
  • Difuminatzeko begietarako pintzela: difuminatzeko ez ezik, betazaletatik gehiegizko produktua kentzeko ere erabil dezakezu, emaitza naturala lortzeko.
  • Aurpegiko eskuko ispilua: edonora eramateko.

Sweet Winter Abendu-egutegia

Calendario de Adviento Sweet Winter Mercadona

Lortu beauty look paregabea makillajerako 24 funtsezko produktu hauekin.

  • Turbantea: makillaje-errutinarekin hasteko.
  • Zuzentzailea: inperfekzioetarako zuzentzaile likidoa. Eman produktua aplikagailuaren puntarekin, zuzendu nahi dituzun eremuetan. Zabaldu blender esponja batekin (3 zk.-koa).
  • Esponja: makillaje jariakorra eta trinkoa zabaltzeko esponja funtzioaniztuna. Busti esponja, eman makillajea eskugainean, eta hartu esponjarekin apurka-apurka aurpegian emateko ukitu txikiak eginez.
  • Ezpainetako esfoliatzailea: ezpainak esfoliatzeko eta leuntzeko esfoliatzailea. Jarri produktu apur bat, eman masaje leun bat eta kendu gehiegizko produktua. Ezpainetako baltsamo baten (17 zk.-koa) ondoren ematea gomendatzen dugu.
  • Beltzarantzeko aurpegiko hautsa: beltzaran-kolore naturala lortzeko. Hartu produktua hautsak emateko brotxarekin (6 zk.-koa), eman beltzarandu nahi dituzun eremuetan (adibidez, aurpegian eta lepoan), eta difuminatu, akabera naturalagoa lortzeko.
  • Hautsak emateko brotxa: igurtzi pintzela hautsetan, eta uniformeki banatu aurpegian, produktua difuminatuz.
  • Begi-itzal likidoa: zuzenean eman aplikagailuarekin, eta difuminatu hatzarekin edo pintzel batekin.
  • Begietarako arkatza: beltzez markatzeko. Markatu arkatzarekin begiaren barnealdeko lerroa. Jarraian, eman kanpoko aldean, eta difuminatu pintzel batekin.
  • Eyeshadow Palette Arrosa: akabera mate eta metalizatuko 4 itzal-tonuko paleta. Aplikatu betazaletan, itzalak emateko pintzel baten laguntzaz (10 zk.-koa), eta difuminatu. Markatu arkatzarekin begiaren barnealdeko lerroa. Jarraian, eman kanpoko aldean, eta difuminatu pintzel batekin.
  • Eyeshadow Brush: begi-itzaletarako pintzela. Itzala betazalaren tolesean finkatzen eta itzalak difuminatzen laguntzen du.
  • Eyeshadow Palette Lur-koloreak: akabera mate eta metalizatuko 4 itzal-tonuko paleta. Aplikatu betazaletan, itzalak emateko pintzel baten laguntzaz (10 zk.-koa), eta difuminatu.
  • Bekainetarako arkatza: definitu eta bete zure bekainak arkatzarekin. Akabera naturalagoa nahi baduzu, difuminatu bekainetarako eskuila batekin.
  • Begietarako apaingarri itsaskorrak: ebaki apaingarriak eta jarri begi-inguruan edo apaindu nahi duzun eremuan.
  • Aurpegiko koloretea: glitter-efektuko koloreteen duoa. Eman koloretea masailalboetan, mugimendu zirkularrak eginez.
  • Azazkaletarako lima: limatu azazkalen ertzak beti noranzko berean, eta eman forma azazkalei. Azazkal-lima erabiltzean, alde zimurtsuenarekin hasi behar da, leundu eta forma emateko. Erabili alde finena ertzak biribiltzeko.
  • Hauts argitzailea: eman eta difuminatu produktua hatzekin edo hautsak emateko brotxarekin (6 zk.-koa), masailalboetan, sudur-trenkadan eta bekainen arkuan. Aurpegia argiztatuko duzu.
  • Lip Balm: ezpainetako baltsamoa. Zabaldu baltsamo apur bat ezpainetan, hidratatzeko.
  • Azazkaletako laka gorria: eman 1. geruza eta utzi lehortzen. Gero, eman beste geruza bat, estaldura hobea lortzeko, eta utzi lehortzen.
  • Ezpainak markatzeko arkatza: markatu ezpainen ertza arkatzarekin, eta difuminatu pixka bat barrualderantz.
  • Ezpainetako gorria: eman ezpainetakoa zuzenean ezpainetan, haien formari jarraituz.
  • Azazkaletako laka nudea: eman 1. geruza eta utzi lehortzen. Gero, eman beste geruza bat, estaldura hobea lortzeko, eta utzi lehortzen.
  • Ezpainetako likidoa: eman ezpainetakoa aplikagailua erabiliz, ezpainen barrualdetik kanpoalderantz. Utzi lehortzen.
  • Top Coat: manikurari akabera distiratsuagoa emateko. Kolorea babesten du, eta gehiago iraunarazten dio. Eman geruza bat lakaren gainean, manikurari distira emateko eta gehiago iraun dezan.
  • Nezeserra: zure makillaje-produktuak gordetzeko.

Beste gomendio batzuk

Gure Makillajea kentzeko toallatxoekin, bizkor eta erraz kenduko duzu makillajea aurpegitik.

Ezagut itzazu gure Begi-itzalen paleta hauen aukera eklektikoak.

Ezagutzen dituzu askotariko gure Gorputz-kremak? Zure azala elikatu eta hidratatzen dute, eta itxura hobea ematen diote.