Queres ser a estrela dos festivais deste verán? Coa colección Shine Fest poñémoscho máis fácil. Prepárate para estar radiante e ser o centro de todas as miradas. Esta colección é un auténtico descubrimento en cosmética que vén repleto de brillo e escintileos.

É o momento de impresionar, bailar e brillar baixo os ceos do verán coa nosa incrible colección de maquillaxe festivaleira! Non a perdas.

Que produtos compoñen a Colección Shine Fest?

Barra de labios Gloss

Brillo, brillo e máis brillo! A cor destas barras de labios é fascinante, pero non se trata só de cor, trátase de brillo!

Experimenta o escintileo espectacular dos nosos Gloss, deseñados cunha fórmula de textura suave que se despraza delicadamente sobre os teus labios. O seu acabado resplandecente e zumarento captura a luz dende todos os ángulos. Recordas eses labios brillantes que parecían iluminar un cuarto enteiro? Faite coa nosa colección e consigue o mesmo efecto!

• 01 Halo: un ton neutro e versátil que brilla cunha elegancia atemporal, como un diamante. Con esta barra de labios podes complementar calquera look, dende o máis casual ata o máis refinado.
• 02 Sunset: con este ton rosa eléctrico mergúllaste na calidez do crepúsculo. Un toque vibrante, divertido e xuvenil para os teus labios, perfecto para iluminar os teus días.
• 03 Astral: co seu toque enigmático e orixinal, este morado profundo evoca unha viaxe estelar. Pura audacia púrpura!

Cada lipgloss desta colección foi formulado coidadosamente para ofrecerche un brillo intenso e duradeiro, asegurándoche uns labios radiantes en todo momento. Se o combinas coa paleta de Glitter, o efecto é sensacional, próbao!

Paleta de Glitter

A nosa paleta de Glitter Shiny desata a maxia do brillo. A súa fórmula ofrece un resultado impecable para a noite festivaleira. Dende o prateado ata o lila, presenta 4 arrebatadores tons ideais para crear os looks máis impactantes. Podes aplicalos nas meixelas, nos ollos, nos labios... Atrévete a brillar con estes tons exclusivos Deliplus Color e dálle un toque máxico á túa maquillaxe estival!

Perfiladores de ollos en varios tons

Estes perfiladores de ollos destacarán a túa mirada cun brillo único e unha profunda intensidade. Especialmente deseñados para un look encantador que nunca pasará desapercibido. Dispoñibles nunha gama de 5 tons que engaden glamour e sofisticación aos teus ollos.

• Azul.
• Verde.
• Morado.
• Dourado.
• Negro

Máscara de pestanas de cor vibrante Water Resistant

Non imaxinas as cores vibrantes das nosas máscaras de pestanas! Mergúllate na emocionante enerxía do verán con estas catro opcións resistentes á auga, que te transportan a un mundo cheo de alegría e estilo. Dálle un extra de diversión e frescura ao teu look estival! Dispoñible en catro tons:

• N.º 01 – Azul.
• N.º 02 – Verde.
• N.º 03 – Rosa.
• N.º 04 – Lila.

Consellos de uso

• Recomendamos empregar un desmaquillador bifásico
• Aplica dende a raíz ata as puntas con movementos en zigzag para lograr o mellor resultado.

Outras recomendacións

Coñeces os nosos Kits de pinceis de maquillaxe? Son os teus mellores aliados para maquillarte cun resultado profesional.

Completa o teu look coas nosas Lacas de uñas.

Descubre os mellores tratamentos para exfoliar, refrescar e hidratar os teus pés.