O verán achégase e cada vez pasamos máis tempo ao aire libre baixo o sol. Por iso o uso dun protector solar adecuado é indispensable.

Se queremos evitar riscos, hai que seguir unha serie de consellos para non poñer en perigo a nosa pel: saber cales son as horas adecuadas de exposición, canto protector solar aplicar e que zonas coidar especialmente, utilizar after sun… son só algunhas delas.

Protéxete do sol sen riscos

Elaboramos unha serie de tips sobre protección solar, para que aprendas a tomar o sol dunha forma segura e tranquila.

Protéxete os 365 días do ano

Protéxete a diario, tamén nos días anubrados ou baixo o parasol, e especialmente no verán. E non só na praia ou na piscina, tamén cando practiques deportes ao aire libre, na montaña, cando pasees ou mentres tomas algo nunha terraza.

Aplica o protector media hora antes da exposición solar

É aconsellable realizar a aplicación polo corpo e o rostro 30 minutos antes da exposición solar e deixar absorber. Hai que ter en conta as zonas especialmente sensibles (labios, nariz, orellas, caluga, ombreiros e pés).

Volve aplicar o protector cada 2 horas

Recoméndase volver aplicar cada 2 horas, especialmente despois do baño ou despois de suar.

Escolle o FPS (Factor de Protección Solar) apropiado para o teu ton de pel

Na praia e na piscina utiliza un protector solar resistente a auga, para asegurar que a túa pel se encontre protexida en todo momento.

Ademais, ten en conta que os nenos deben usar protección específica infantil.

Evita expoñerte ao sol durante o período de maior radiación solar (entre as 12 e as 16 horas)

Aconséllase tomar o sol antes das 12 e despois das 16 horas, e facelo de forma gradual.

Utiliza os complementos que sexan necesarios para protexerte ben do sol: sombreiro, pareo, parasol, lentes de sol…

Se estás tomando medicación...

Infórmate sobre posibles efectos secundarios da exposición solar para evitar calquera reacción na pel.

Despois de tomar o sol aplica after sun para reparar, calmar e hidratar a túa pel

Tras a exposición é recomendable unha ducha con auga temperada ou fría para evitar que se reseque a pel. A continuación aplica o after sun.

Lembra que é moi importante beber auga con frecuencia antes, durante e despois da exposición ao sol.

Calidade dos Protectores Solares de Mercadona

Os protectores solares de Mercadona protexen fronte á radiación UVA/UVB cumprindo coa normativa europea. Ademais están formulados con diferentes texturas para adaptarse ás necesidades de todos os tipos de pel.

Como aplicar os protectores solares e after sun

En Mercadona dispoñemos dunha ampla variedade de protectores solares e after sun. A continuación indicámosche como realizar unha boa aplicación segundo o tipo de protector.

• Aerosol: Pulveriza de forma continua sobre a pel ata cubrir cada zona do corpo. A continuación estende coa man, de forma uniforme, ata a súa absorción. Non vaporices directamente sobre o rostro, pulveriza antes nas mans, estende sobre o rostro e evita sempre o contorno dos ollos.
• Leite: Aplica, como mínimo, 2 dedos de crema por cada zona que queiras protexer no corpo e, como mínimo, 1 dedo de crema por cada zona do rostro. Estende coa man uniformemente ata que a pel absorba a crema.
• Aceite: Aplica, como mínimo, de 12 a 15 pulverizacións dependendo da zona que queiras protexer no corpo. Pulveriza sobre a pel e a continuación estende sempre coa man de forma uniforme. A súa textura é seca e é de rápida absorción.
• Spray: Aplica, como mínimo, 12 pulverizacións, dependendo da zona que queiras protexer no corpo e, como mínimo, 6 no rostro. Pulveriza sobre a pel e a continuación estende sempre coa man de forma uniforme, excepto no rostro, que pulverizaremos directamente sobre a man e a continuación estenderemos sobre o rostro evitando sempre o contorno dos ollos.
• Crema facial: Aplica un mínimo de 1 dedo de crema por cada zona do rostro e da caluga que queiras protexer. Aplica sempre os protectores faciais sobre o rostro limpo e seco.
• After sun: Tras a exposición solar aplica after sun despois da ducha para calmar, hidratar e reparar a pel axudando así a prolongar o bronceado e evitar que nos escame a pel.

Falsos mitos

Os protectores solares son válidos dun ano para outro

Os protectores solares réxense polo PAO: tempo no que o produto mantén as súas propiedades dende a súa apertura, e represéntase no envase co debuxo dun tarro aberto e o número de meses correspondentes.

Se uso protector solar non me bronceo

Non existe a protección 100 %. Aínda que levemos protector solar sempre haberá algo de radiación solar que active a produción de melanina, sistema de protección natural da pel e responsable do "moreno".

Con máscara non é necesario usar protección solar

As máscaras non impiden o paso de toda a radiación solar, polo que sempre é necesaria protección no rostro.

No inverno e nos días anubrados non é necesario protector solar

As nubes deixan pasar parte da radiación ultravioleta. Se queremos protexernos correctamente, debemos usar un protector solar todo o ano.

Existen protectores solares "pantalla total" que bloquean o 100 % da radiación

Ningún protector solar é capaz de bloquear o total das radiacións solares.

A pel morena non necesita protector solar porque non se queima

As peles máis escuras teñen máis facilidade para broncearse, pero tamén sofren os efectos daniños do exceso de radiación solar polo que é tamén necesario usar sempre protección solar.

Outras recomendacións

Coñeces a Liña facial Antimanchas Deliplus? Descubre os nosos Tratamentos anticelulíticos para preparar o verán.