Uso de cookies

Empregamos "cookies" propias e de terceiros para elaborar o sitio. Se continuares a navegar debes aceptar o seu uso

Máis información e política de cookies.

 Mercadona Gatos

Bólas de pelo nos gatos: como axudar a controlalas

10 de novembro de 2016

Algúns pensos para gatos de Mercadona incorporan o sistema Hair-Ball Control System que favorece a eliminación das bólas de pelo

Acotío os gatos realizan o seu aseo persoal mediante a lambedura, investindo moito tempo en se acicalaren para manter a súa pelaxe limpa e en bo estado. O problema está en que a dita acción conleva a inxesta de pelo, o que pode orixinar a nivel dixestivo as temidas bólas de pelo tamén coñecidas como tricobezoares. Algúns dos pensos Compy para gatos conteñen fibras vexetais especiais que favorecen a expulsión dos ditos pelos a través das feces, contribuíndo a que non se formen as ditas bólas de pelo.
Cando a pelaxe se acumula de forma excesiva no estómago do gato, el mesmo fará o esforzo por vomitar, desbotando así a bóla de pelo. Porén, en ocasións os gatos non consiguen vomitar con éxito a bóla de pelo quedando atascada no intestino producindo estrinximento e imposibilitando a súa eliminación. Por iso, resulta importante axudarlle na expulsión do pelo inxerido antes de que se formen, posto que pode convertirse nun problema de saúde se non poden ser expulsadas.


Fibras que axudan a minimizar a formación de bólas de pelo

Por iso, diferentes tipos de pensos para gatos Compy conteñen o Hair-Ball Control System con fibras vexetais especiais, que favorece o arrastre e expulsión dos pelos inxeridos a través das feces. Hai que ter en conta que estes produtos non están indicados para a expulsión das bólas unha vez se formaron.
Para os gatos con máis predisposición á formación de bólas de pelo, (gatos de pelo longo, gatos na época de muda, gatos que se lamben de xeito continuo, etc.), existe a variedade “Compy Bólas de Pelo 1,5 kg” que incorpora na súa composición extracto de malta ademais del Hair-Ball Control System, que arrastran os pelos inxeridos axudando a minimizar a formación de bólas de pelo.


Outros coidados para o control das bólas de pelos en gatos

No coidado dos gatos ademais, é recomendable realizar un bo cepillado para eliminar os pelos mortos e axudar a minimizar a formación destas temidas bólas de pelo. Aínda que os gatos se encargan de manter a súa pelaxe en boas condicións, é conveniente cepillalos de forma rutineira. Para os gatos de pelo curto é suficiente unha ou dúas veces por semana, mentres que os gatos de pelo longo requiren cepillado diario.
Por iso, utilizando os pensos Compy para gatos con Hair-Ball Control System, axúdase a minimizar o risco da formación de bólas de pelo, mediante o arrastre e a expulsión dos pelos inxeridos.

Outras recomendacións

Poden ser interesantes as nosas recomendacións de comida para gatos no artigo sobre os Pensos para gatos de Mercadona: a mellor alimentación para a túa mascota onde che recomendamos cal é o tipo de pensos máis apropiado para a túa mascota. Outro artigo aconsellable é Penso para Gatos Compy: Que nutrientes precisa o meu gato? onde che recomendamos a comida máis axeitada segundo a idade do teu gato. Se tes un gato con problemas de peso, recomendamos a lectura da publicación sobre Penso Compy para Gatos obesos ou con sobrepeso onde che explicamos as causas e o tipo de penso máis axeitado.