Coa chegada do bo tempo, é normal a aparición de mosquitos e as súas molestas picaduras, así como o incremento doutros insectos como as avespas ou as moscas. Son moitos os plans que facemos ao aire libre durante o verán, tanto de día como de noite e, en ocasións, os insectos impídennos gozar deles de forma plena. Contar con produtos específicos é fundamental para ter protección e tranquilidade en todo momento.

Por iso, en Mercadona propoñémosche distintos produtos antimosquitos, tanto de interior como de exterior: potentes repelentes que manteñen a raia estes inoportunos intrusos, solucións efectivas para eliminalos e para aliviar o fastío das súas picaduras. Algúns produtos só os encontrarás durante a campaña do verán, pero contas con excelentes recursos dispoñibles todo o ano.

Sexa cal sexa a túa necesidade, temos a solución que buscas! Recorda sempre consultar as instrucións de uso e recomendacións de cada produto.

Encontra a túa solución antimosquitos en Mercadona

Para protexerte

Solucións para que os mosquitos non se acheguen e protexer a túa pel da súas picaduras. Pulseiras e outros produtos repelentes de aplicación directa con acción protectora.

• Spray repelente: é moi eficaz para espantar os mosquitos, incluso o mosquito tigre. Actúa formando unha barreira protectora e ofréceche ata 6 horas de alta protección. Basta con vaporizalo e estendelo sobre a zona do corpo que queiras protexer. Úsao sobre a túa pel evitando sempre o rostro.

• Pulseiras de citronela: a súa fragrancia actúa como repelente natural. Ofrecen protección instantánea e durante horas, mantendo afastados os mosquitos en interiores e exteriores. Dispoñibles en talles S e L, estas pulseiras son versátiles e adáptanse perfectamente tanto ao teu pulso como ao teu nocello.

• Spray corporal citronela: bruma corporal cun refrescante aroma cítrico. É unha auga perfumada que tamén actúa como repelente grazas á citronela. Ideal para complementar os nosos produtos máis específicos. Recorda evitar o rostro ao utilizalo.

Para eliminalos

A solución máis drástica, con opcións para matar os mosquitos e outros insectos, que se utilizan cando se detecta a súa presenza. Con este grupo de produtos insecticidas terás garantido un ambiente sen mosquitos.

• Insecticida eléctrico e recambios: deseñado para manter o teu fogar libre de mosquitos, o noso dispositivo eléctrico é un produto de interior. Emite unha protección constante, de día e de noite, incluso coas luces acendidas e as ventás abertas. Prefires recambios líquidos ou en pastilla? Dámosche a posibilidade de elixir o recambio que máis che encaixe co dispositivo con dobre uso para os dous tipos de insecticida. Eficaz contra mosquito común e tigre.

• Espirais antimosquitos: unha solución rápida e eficaz para utilizar en exteriores. Con só acendela, o seu principio activo proporciona unha excelente protección nunha ampla zona arredor do produto. Goza das túas actividades ao aire libre sen preocuparte polas picaduras dos mosquitos.
• Candeas antimosquitos e moscas: esta candea con aroma a citronela combina a súa acción insecticida coas propiedades repelentes desta planta aromática. Permíteche gozar das túas actividades no exterior sen moscas nin mosquitos, aínda que tamén é adecuada para o seu uso nos interiores. Protección constante en calquera ámbito.
• Insecticida barreira: actúa como unha barreira protectora que mantén os insectos e mosquitos afastados. Grazas ao seu potente efecto insecticida protexe contra o mosquito común e o mosquito tigre na zona concreta que desexes protexer. O seu uso principal é nos exteriores, pero pode utilizarse noutros espazos semiabertos.

• Insecticida moscas e mosquitos: formulados para combater moscas, mosquitos e outros insectos voadores, en versión con perfume e sen perfume. Actúan con eficacia instantánea contra o mosquito común e o mosquito tigre, proporcionando unha protección segura tanto en interiores como en exteriores.

• Insecticida avespas: unha solución específica contra as avespas (común e asiática), cun longo alcance de ata 3 m. No verán, a poboación de avespas aumenta debido á calor, especialmente en zonas de xardín e acumulacións de auga (como as piscinas). Por iso, é conveniente ter unha defensa á man na devandita tempada para os teus momentos ao aire libre.

Para aliviar as picaduras

Xa che picaron? Non te preocupes, tamén temos a solución para aliviar a irritación e o malestar.

• Alivio proído: calma o proído e refresca a pel. Alivia as picaduras de insectos, ortigas, medusas... Dermatoloxicamente testado, preséntase nun práctico formato roll-on. Un recurso moi útil, sobre todo cando o proído non dá descanso.

Antes de aplicar calquera destes produtos consulta o seu modo de emprego.

Outras recomendacións

Coñeces a nosa familia de Ambientadores en spray? Dispós dunha ampla gama para elixir.

Se vas saír de pícnic, consulta a nosa selección de produtos fáciles de transportar e comer ao aire libre.

Coida a túa pel coas nosas Cremas e protectores solares.