Cabecera antimosquitos

Antimosquitos en Mercadona: Descubre todos os nosos produtos para estar protexido este verán

10 de xuño de 2021

Coa chegada do bo tempo, é normal a aparición de mosquitos e as súas molestas picaduras, así como o incremento doutros insectos como as avespas ou as moscas. Son moitos os plans que facemos ao aire libre durante o verán, tanto de día coma de noite e, en ocasións, os insectos impídennos gozar deles de forma plena.

En Mercadona ofrecémosche diferentes opcións para librarte deles, dende antimosquitos eléctricos ata repelentes ou insecticidas específicos como o insecticida efecto barreira, ideal para exteriores, que che permitirán gozar das longas noites de verán sen insectos.

Todo iso para que escollas o que máis che guste e mellor che funcione. E a pasar un verán tranquilo sen mosquitos!

Candea antimosquitos de Citronela

Imagen Texto 1 Antimosquitos Gallego

Trátase dunha candea con perfume de citronela. A citronela é unha planta aromática que actúa como repelente de insectos polo seu aroma cítrico. É ideal para o exterior, aínda que tamén pode utilizarse en interiores.

Modo de uso:

  • Antes de usar o produto, le detidamente as instrucións.
  • Acende a candea. O produto actúa por difusión paulatina e constante ao queimarse a candea.

Protéxete fóra da casa coas pulseiras de Citronela

Imagen Texto 2 Antimosquitos Gallego

As nosas pulseiras de citronela tamén conteñen este ingrediente natural, polo que ofrecen protección contra os mosquitos, actuando a xeito de repelente. Están pensadas para colocar tanto no pulso coma no nocello. De efecto instantáneo, están dispoñibles en dúas tallas: S e L. Abre o envoltorio, pona onde máis cómodo che resulte e, listo!

Imagen Texto 3 Antimosquitos

O spray repelente de insectos é eficaz para espantar os mosquitos con ata 6 horas de protección. Encontraralo en formato spray vaporizador de 100 ml.

Imagen Texto 4 Antimosquitos

Modo de uso do spray repelente:

  • Aplica sobre as zonas da pel que queiras protexer.
  • Non pulverices directamente sobre a cara.
  • Estende o produto polo corpo coa man.
  • Lava as mans despois da utilización do produto.

Insecticida Avespas

Imagen Texto 5 Antimosquitos Gallego

Durante o verán, é habitual o incremento de avespas debido á subida das temperaturas. Non obstante, isto pode supoñer un problema se nos impide gozar do día en terrazas, xardíns ou piscinas. En Mercadona dispoñemos do spray insecticida de avespas en formato 250 ml, spray de longo alcance de ata 3 metros de distancia.

Modo de uso:

  • Axita antes de usar.
  • Pulveriza a unha distancia duns 25 cm de 5 a 10 segundos cara aos insectos.
  • Utiliza a favor do vento.
  • Utiliza de forma descontinua, con pulverizacións curtas.

Insecticida barreira

Imagen Texto 6 Antimosquitos Gallego

O spray barreira, ideal para protexer espazos abertos, contén un efecto repelente que nos permite gozar dos días de verán e das súas cálidas noites, evitando atraer insectos e mosquitos. Este spray antimosquitos, para fogar e exteriores, crea un efecto barreira impedindo que o insecto atravese a zona que se pulverizou co spray. Ademais, protexe contra o mosquito común e o mosquito tigre.

Modo de uso:

  • Axita antes de usar.
  • Usa de forma descontinua, con pulverizacións curtas que non excedan dunha duración total de 5 a 10 segundos.
  • En espazos abertos (soportais, terrazas), pulveriza rodeando toda a zona onde se queiran combater os mosquitos. Debe facerse de forma circular e dirixida ás paredes e ao chan, non se debe empregar de forma aérea. Espera uns minutos antes de dirixirte á zona tratada.
  • En espazos semiabertos, pulveriza a un metro das paredes e do chan. Deixa transcorrer de 3 a 5 minutos dende a pulverización ata a utilización da zona tratada.
  • En espazos cerrados, ventila adecuadamente antes de entrar no recinto.

Roll-on Alivio picaduras

Imagen Texto 7 Antimosquitos Gallego

Se nos picou algún insecto, co roll-on Alivio picaduras lograremos calmar o proído. A súa aplicación en roll-on, refresca e calma a pel. Notarás un alivio do proído producido por picaduras de insectos, medusas, ortigas... está dermatoloxicamente testado.

Modo de uso:

  • Aplica realizando un suave movemento circular sobre a picadura co propio aplicador.
  • Repite a operación tantas veces como sexa necesario.

Antimosquitos Eléctrico de Mercadona con dobre uso: recarga líquida ou pastillas

Imagen Texto 8 Antimosquitos Gallego

Para estar protexidos mentres durmimos ou durante todo o día no interior da casa, o antimosquitos eléctrico é a mellor opción, incluso con luces acendidas e ventás abertas. Este antimosquitos eléctrico ten un dobre uso, xa que o recambio pode ser líquido ou en pastilla.

Imagen Texto 9 Antimosquitos Catalan

O difusor enchúfase á corrente para crear ambientes libres de mosquitos. De acción duradeira contra os mosquitos:

  • Recambio líquido: 360 horas de protección.
  • Pastillas: 30 pastillas para 30 noites sen mosquitos.

Pódese elixir entre recambio líquido ou pastillas, pero nunca utilizalos ao mesmo tempo.

Ambos os dous son igual de eficaces, é cuestión de gustos. Contámosche o modo de uso de cada un deles.

Modo de uso do antimosquitos e recambio líquido:

Imagen Texto 10 Antimosquitos

  • Destapa a botella e enrosca o recambio no difusor xirando en sentido contrario ao das agullas do reloxo.
  • Axusta o enchufe xiratorio para que o difusor quede colocado en posición vertical.
  • Enchufa o difusor á toma de corrente e pulsa o interruptor. A luz vermella indica que o aparato difusor está en funcionamento.
  • Para extraer o recambio, apaga e desenchufa o aparato, logo, desenrosca xirando no sentido das agullas do reloxo.

Antimosquitos eléctrico e pastillas

Imagen Texto 11 Antimosquitos

  • Axusta o enchufe xiratorio para que o difusor poida enchufarse en posición vertical, de forma que a pastilla quede completamente en horizontal.
  • Asegúrate de que non se coloca unha pastilla se xa hai un recambio líquido. Saca a pastilla do envoltorio protector e introdúcea na rañura horizontal superior do aparato, deixa que repouse enriba da placa calefactora.
  • Conecta 2 horas antes da súa utilización prevista. Enchufa o difusor á toma de corrente e pulsa o interruptor para iniciar a evaporación do produto insecticida. A luz vermella indica que o aparato está en funcionamento.
  • Para substituír a pastilla cando estea esgotada desenchufa primeiro o aparato.

Outras recomendacións

Se ademais queres manter a túa pel protexida, sigue os nosos consellos baixo o sol e pasa un verán sen riscos.