Descubre o marabilloso mundo das Infusións! Ademais de ser unha forma deliciosa de manterte hidratado, ofrécenche numerosos beneficios saudables. Buscas infusións para coidarte? Coñeces as propiedades diuréticas do rabo de cabalo en infusión ou as virtudes da infusión de xenxibre?

Na nosa oferta, vas encontrar unha gran variedade de infusións herbais, de froitas e funcionais que poden abordar necesidades específicas do teu organismo. Dende as infusións de fiúncho, coñecido pola súa capacidade para mellorar a dixestión, ata as infusións de tomiño, todas están deseñadas para coidar aspectos concretos do teu benestar.

Se te queres coidar, temos unha infusión para ti!

Infusións Mazá Canela e Rooibos

Se che gusta a canela, nestas dúas infusións é o ingrediente común:

Mazá Canela: infusión de froitas e herbas aromatizadas con sabor a canela. Os seus ingredientes son: mazá (41 %), canela (20 %), raíz de chicoria tostada (12 %), casca de laranxa (10 %), hibisco (10 %), aromas (6 %) e Stevia (1 %),

Rooibos Cítricos: a infusión conta con follas deshidratadas de arbusto vermello (57,5 %), codia de canela deshidratada (26 %) e casca de laranxa deshidratada (3 %). Contén regalicia, polo que as persoas que padezan hipertensión deben evitar un consumo excesivo.

Infusións de Cúrcuma e Xenxibre

Cúrcuma: o seu ingrediente principal, a cúrcuma, é un coñecido antioxidante e está presente nun 35 % da infusión. A cúrcuma está acompañada de mazá (27 %) e canela (25 %). Tamén conta con cravos de olor, xenxibre e Stevia.

Xenxibre: 100 % xenxibre. Infusión de sabor picante e aroma cítrico, moi parecido ao xenxibre natural. Ideal para as persoas ás que lles gustan os sabores fortes.

Infusións de Fiúncho, Tomiño, Tila e Menta Poexo

Fiúncho: infusión de fiúncho deshidratado que axuda á dixestión.

Tomiño: infusión de tomiño 100 %. Grazas a que axuda a restablecer a calor corporal, é perfecta para os meses de frío.

Tila: a tila é un clásico que axuda a ter un mellor descanso. Os ingredientes son tila 100 %.

Menta Poexo: composta principalmente de menta e poexo, é unha opción dixestiva e de aroma fresco.

Infusións de Macela, Macela Anís e Macela Mel

Macela: beneficiosa para a saúde dixestiva, composta de macela 100 %.

Outras versións máis doces de macela son: Macela Anís, con 74 % macela e 20 % de anís e Macela sabor Mel, con 95 % de Macela, edulcorante e aroma de mel que ademais proporciona unha sensación agradable antes de durmir.

Infusión de Froitos Vermellos

Infusión con propiedades antioxidantes e antiinflamatorias. Ingredientes: hibisco, mazá, grosella negra, ameixa, framboesa, amorodo...

Esta infusión pode prepararse fría ou quente. Se a prefires fría, bota 200 ml de auga fría sobre a bolsiña e deixa infusionar durante 8 ou 10 minutos. Podes engadir cubiños de xeo segundo vos guste.

Infusións para mellorar a dixestión

Digest: conta con fiúncho (32,5 %), anís (30 %), menta, melisa e macela.

Laxsen: contén rabo de cabalo e menta, que axuda ao tránsito intestinal normal. 1 bolsa ao día. Recoméndase tomar preferiblemente pola noite e non superar a cantidade diaria recomendada. Non se debe prolongar o consumo máis dunha semana sen a recomendación dun especialista.

Infusión Durmir e Infusión Relax

Durmir: infusión de plantas aromatizada, como a melisa (64 %), a pasiflora (20 %) e a valeriana, que favorecen o sono. Débense consumir 1 ou 2 bolsiñas antes de deitarse.

Relax: Mestura de tila, follas de laranxeira amarga, melisa e herba luísa.

Infusión Respir

Respir é unha infusión 100 % natural que axuda a respirar mellor combatendo a conxestión nasal. Mestura de tomiño, eucalipto, romeu e menta. Dispoñible nas nosas tendas de setembro a maio.

Infusións Queima Graxas e Rabo de cabalo

Queima Graxas: infusión de plantas aromatizada, complemento alimenticio que axuda a controlar o peso e eliminar a graxa localizada. Contén té verde, mate, noz de cola e guaraná, entre outros ingredientes.

Rabo de cabalo: complemento alimenticio que axuda á eliminación de líquidos. Non se deben tomar máis de 3 bolsiñas ao día. Ingredientes: rabo de cabalo (96 %) e aroma de limón.

Tamén podes optar pola nosa infusión Figura que inclúe té verde, rabo de cabalo, sen, mate e alcachofa, como ingredientes principais.

Infusións Frías

Bota unha ollada á nosa variedade de infusións frías, a forma máis refrescante e deliciosa de gozar os beneficios naturais das herbas e froitas. Perfectas para os días calorosos do verán ou sempre que che apeteza.

Modo de preparación das nosas Infusións

Verte 200 ml de auga fervendo sobre a bolsiña e déixaa en infusión durante 5-8 minutos. Edulcora segundo vos guste. Non se debe introducir a bolsiña no microondas.

A preparación é a mesma no caso das Infusións frías, ás que lles podes engadir cubiños de xeo se o desexas.

Outras recomendacións

Se buscas un bo aliado para a túa saúde e o teu benestar, o Quefir é rico en probióticos, dixestivo e con propiedades inmunolóxicas.

Probaches o Té matcha? Ensinámosche a preparalo de diferentes formas.

As nosas Bebidas de froita e leite ofrécenche diferentes sabores para os teus almorzos, as túas merendas ou cando ti prefiras.