A elección da salsa para o teu prato de carne pode marcar a diferenza e converter unha simple receita nunha experiencia culinaria superior. As salsas non só engaden sabor, senón tamén cor e textura para complementar o ingrediente principal.
Suxerímosche tres salsas, unha para cada tipo de carne: magro, solombo e polo con recheo. Cada unha delas foi coidadosamente seleccionada para realzar as calidades organolépticas da súa carne correspondente. Con elas, invitámoste a explorar un mundo de sabores e combinacións que farán que os teus pratos de Nadal sexan inesquecibles. Acompáñasnos?
Paso a paso para preparar tres salsas para tres carnes diferentes
Mostaza ao Brandy para o Magro
Ingredientes para 4 persoas
- 1 magro peza en malla.
- ¼ de cebola doce.
- Aceite de oliva.
- 1 dente de allo.
- 2 tomates de pera.
- Loureiro.
- Sal.
- Pementa negra.
- 50 ml de brandy.
- 200 g de nata para cociñar.
- 50 g de mostaza antiga.
Paso a paso
1. Rustre 1 dente de allo e un cuarto de cebola doce moi picadiños cun pouco aceite de oliva suave.
2. Engade 2 tomates pera picados, loureiro, sal e pementa negra acabada de moer. Incorpora 50 ml de brandy e deixa que evapore o alcohol (15 minutos).
3. Saca o loureiro e tritura. Engade un cartón pequeno de nata para cociñar e 50 g de mostaza antiga. Remove ao lume uns instantes e sirve.
Cazadora para o Solombo
Ingredientes
- 1 solombo de porco.
- 100 g de champiñóns.
- 3 chalotas.
- Aceite de oliva.
- Sal.
- Pementa negra.
- 250 ml de viño tinto.
- 20 g de azucre moreno.
- 1 culleradiña de fariña.
Paso a paso
1. Pica en taquiños pequenos 100 g de champiñóns e 3 chalotas. Refoga a chalota con aceite de oliva. Uns 5 minutos despois, engade os champiñóns e salpementa.
2. Agrega 250 ml de viño tinto, 20 g de azucre moreno e 1 culleradiña de fariña. Deixa que evapore o alcohol (20 minutos) a lume suave.
3. Engade o zume do solombo e sirve (tritura antes se o prefires).
Améndoa e Porro para o Polo con recheo
Ingredientes
- 1 polo con recheo. Dispoñible na Campaña de Nadal.
- 1 porro.
- 1 dente de allo.
- ¼ de cebola doce.
- Aceite de xirasol.
- 250 ml de viño branco.
- Romeu.
- 50 g de améndoa en po.
- Sal.
- Pementa.
- 50 g de améndoa en cubiños.
Paso a paso
1. Pela 1 porro, párteo en dúas metades ao longo e córtao. Pica 1 dente de allo e un cuarto de cebola doce. Refoga todo con aceite de xirasol.
2. Cando colla cor agrega 250 ml de viño branco. Reduce o alcohol (20 minutos).
3. Engade romeu, 50 g de améndoa en po e unha pouca auga. Salpementa. Remove 3 minutos e quita o romeu. Engade o zume da carne, 50 g de améndoa en cubiños e sirve.
Outras recomendacións
Suxerímosche outras dúas receitas de carne con salsas moi interesantes: Solombo ibérico ao cacao 99 % e Faceira ao Porto.
Se queres comodidade sen renunciar á calidade, recomendámosche ter Verduras conxeladas sempre á man.