As Torradas de Mercadona ofrécenche unha ampla variedade de sabores e texturas que se adaptan a calquera ocasión. Tanto se se trata dun almorzo crocante, un refrixerio enerxético ou unha reunión elegante, as torradas son as compañeiras perfectas que nunca defraudan.

Sabías que as opcións van moito máis alá do clásico pan torrado? Dende a variedade para canapés, o pan torrado clásico do almorzo ata os pans con sabores, as nosas torradas bríndanche unha rica versatilidade en todo momento.

Queres coñecer todas as posibilidades?

Sorpréndete coa nosa selección de torradas e elixe as túas favoritas

Pan torrado e panciños torrados

Unha elección versátil e deliciosa que garante os mellores bocados. Apetéceche gozalo para empezar o día co seu son crocante e apetecible? Ou mellor como acompañamento para o almorzo? Quizais durante a cea cun exquisito toque salgado? Escolle entre o Pan torrado clásico ou o pan torrado de cereais con sementes, ben sexa en formato panciño ou tipo biscota.

Pan torrado integral

Se prefires a versión integral, tamén dispós do formato pan torrado e panciño do noso Pan 100 % integral de trigo, unha opción nutritiva e deliciosa para calquera momento do día que podes acompañar como ti queiras.

Se buscas outras opcións para o teu benestar, ofrecémosche o Pan torrado 100 % integral baixo en sal e azucres, un pan torrado moi equilibrado, cheo de sabor e nutrición; o Pan torrado 100 % espelta integral, cunha textura lixeira e crocante; e o Pan fibra e sésamo, unha elección moi lixeira de fariña 100 % integral de centeo e un alto contido en fibra.

Minipans torrados para canapés

Nin máis nin menos que 4 posibilidades diferentes para elaborar eses canapés que son a sensación de calquera reunión. Por un lado, tes os que son perfectos para elaborar pequenos canapés: os Mini biscotes (Mini tostas dispoñibles en Canarias) son os nosos clásicos de forma cadrada, e os Mini biscotes 100 % integrais, que ademais de ser unha base perfecta para os teus minicanapés, suman como opción saudable.

Para os canapés extrafinos e crocantes temos as Mini torradas de trigo, de forma máis alongada, coas que podes facer múltiples combinacións e que se presentan en envases individuais para maior comodidade. Por último, o Pan torrado con pasas engade un punto doce ás túas creacións e é perfecto para untar con paté ou acompañar con queixo.

Pan torrado de sabores

Neste grupo tamén manda a variedade. Prefires o sabor a pizza, a tomate, a allo e perexil...? A nosa selección inclúe os sabores máis tradicionais, o noso Pan torrado con tomate e ourego que é o que escollen os que buscan a clásica combinación de pan crocante co toque do tomate e do ourego. Outra opción que non podes pasar por alto é o Pan torrado con allo e perexil, irresistible tanto para tomalo só como para acompañalo de sinxelos ingredientes como os que che suxerimos na imaxe: tomate cereixa e anchoas, delicioso!

E a estes sumámoslle dous ricos aperitivos: o Pan especial con tomate e ourego, unha alternativa moi mediterránea de sabor fresco e especiado; ou o Pan especial sabor a pizza con queixo, unha delicia que che fará sentir unha porción de pizza en cada bocado. As dúas bolsiñas son perfectas para levar a onde queiras e gozar dun bocado crocante en calquera momento do día.

Crackers

Coñeces as nosas crackers? Coa súa textura lixeira e crocante, son deliciosos aperitivos ou refrixerios que podes gozar en moitos momentos do día.

Elixe entre as nosas clásicas Crackers con sal, as Crackers de fariña integral de trigo 30 % ou as irresistibles Crackers de espelta, opcións lixeiras para acompañar con complementos saudables e incluso para dipear coas túas cremas ou salsas favoritas.

Torradas e crackers sen glute

Tamén temos opcións de torradas e crackers aptas para persoas celíacas, estes últimas cun toque fresco de romeu. Ideais para preparar a túa torrada dende cero e tamén para acompañar os teus mollos, como por exemplo o guacamole.

Regañás

Pura tradición española. Co seu sabor auténtico a sésamo, o seu toque de aceite de oliva e a súa textura crocante, as regañás encaixan perfectamente coas túas tapas, aperitivos, táboas de embutidos e queixos e tamén son unhas boas aliadas para dipear, adáptanse a todo!

Carochos

Ponlle un toque crocante e saboroso aos teus pratos preferidos. Os carochos son uns clásicos da cociña mediterránea, que funcionan de marabilla con ensaladas, cremas e sopas. Podes elixir entre os carochos fritos, torrados ou con allo.

Outras recomendacións

Os nosos Picos sen glute tamén son unha excelente compañía para a túa ensalada, táboas de chacinería e para dipear.

Descubre que Salsas para dipear podes encontrar en Mercadona.

Probaches xa a nosa Focaccia con queixo, romeu e tomiño? Suxerímosche como consumila.