O verán é unha época perfecta para organizar unha comida divertida e ao aire libre coa túa familia ou cos teus amigos. Se estás pensando en facer algunha grellada este verán, remata a súa preparación cunha boa selección de salsas que fagan as delicias de todos os comensais.

Suxerímosche combinar as verduras con crocante de abelás, salsa de plátano e curry, vinagreta de lima, tomiño e piñóns ou salsa de iogur. Catro salsas moi apetecibles que achegarán o toque orixinal e irresistible á túa grellada.

Sigue o vídeo da Receita 4 Salsas para a túa grellada

Ingredientes para 4/8 persoas:

Para a Salsa Crocante de Abelás

• 50 g de pan integral
• 50 g de abelás tostadas
• Medio dente de allo

Para a Salsa de Plátano e Curry

• 150 g de queixo light
• 15 g de perexil fresco
• 2 plátanos
• Curry segundo o gusto
• Gotas de lima
• Sal

Para a Salsa de iogur

• 2 iogures gregos
• 1 cogombro
• Mestura de pementas
• Aceite
• Sal

Para a Vinagreta de Lima, Tomiño e Piñóns

• 2 limas
• 15 g de tomiño seco
• 50 g de piñóns ibéricos
• Aceite

Para a grellada

• Pernís de polo desosados
• Medallóns de solombo de porco mariñado
• Hamburguesas de polo de campo
• Longaínzas de polo
• Pemento vermello
• Tomate pera
• Cenorias
• Brotes de leituga
• Berenxena
• Aceite
• Sal
• Carbón vexetal
• Espetos de madeira
• Pastillas de acendido

Paso a paso:

Sigue a continuación o paso a paso desta deliciosa receita, con todos os detalles.

Para a Salsa crocante de abelás

1. Nun batedor engadir o pan, o allo e as abelás.

2. Triturar.

Para a Salsa de Plátano e Curry

1. Nun batedor engadir o queixo, os plátanos, a lima, o perexil, o curry e o sal.

2. Bater ata conseguir unha salsa homoxénea.

Para a Salsa de Iogur

1. Cortar o cogombro en dados.

2. Engadir a un recipiente con iogur.

3. Engadir pementa, sal e aceite.

4. Mesturar.

Para a vinagreta de lima, tomiño e piñóns

1. Dourar os piñóns.

2. Engadir a un recipiente con aceite.

3. Incorporar o tomiño, a lima e mesturar.

Para a grellada

1. Acender a grella e asar as verduras.

2. Engadir o Crocante de Abelás aos tomates.

3. Engadir aos brotes a salsa de Plátano e Curry.

4. Pelar a berenxena e incorporar a salsa de Iogur.

5. Aliñar a cenorias e os pementos coa Vinagreta de Piñóns

6. Salgar o solombo e o polo​

7. Facer espetos coas longaínzas

8. Asar a carne ata conseguir o punto óptimo.

9. Servir coas verduras e coas salsas.

Outras recomendacións

Que tal uns xeados para despois da grellada? Os nosos Xeados Mini Bombón Galletas Cacao son unha verdadeira delicia.