Probaches as nosas Mini tortillas de trigo? É un produto moi versátil, que nos permite preparar receitas moi fáciles, rápidas e lixeiras.
Características das Mini tortillas de trigo
- O seu tamaño mini fainas perfectas para consumir en forma de taco. Ideais para esas reunións en familia ou con amigos nas que se preparan diferentes mesturas e cada un enche o taco ao seu gusto.
- O seu sabor neutro permite enchelas tanto con mesturas salgadas como doces.
- Próbaas tamén se buscas unha alternativa ao pan, máis lixeira, fina e en porcións máis pequenas.
- Preséntase nun formato bipaquete, con 12 Mini tortillas en total (6 por paquete).
Moi fáciles de preparar!
Preparar estas Mini tortillas de trigo é moi sinxelo. Podes utilizar microondas, tixola ou forno:
- Microondas: quenta 10-15 segundos ao microondas a media potencia.
- Tixola: quenta na tixola durante 1 minuto por cada lado a lume medio.
- Forno: quenta o forno a 180 ºC e mete as tortillas durante 2 minutos.
Despois enche a tortilla coa túa mestura favorita e, listo!
Instrucións de conservación
Unha vez aberto o envase recomendamos conservala nun lugar fresco e seco para o seu consumo nun máximo de dez días.
Pódense conxelar, pero hai que ter en conta que se deben utilizar durante os tres meses seguintes á conxelación e que debemos desconxelalas totalmente antes de cociñalas.
Catro suxestións de receitas para tacos
Hai un montón de formas deliciosas e creativas de encher estas Mini tortillas e gozar duns suculentos tacos. A continuación, mostrámosche catro exemplos, cada un máis apetitoso ca o outro:
Taco con carne de porco
- Refoga a carne de porco xunto coa cebola vermella.
- Monta o taco coa carne.
- Engade a salsa de queixo, rodas de ravos, un pouco coandro e un toque de tabasco.
Taco tropical
- Refoga os lagostinos co aceite e co allo en láminas.
- Monta o taco cos lagostinos, o aguacate, a leituga, a maionesa e o millo doce.
Taco de polo
- Refoga os pementos (vermello, verde e amarelo) e a cebola vermella en tiras.
- Engade o polo tamén a tiras.
- Sazona con canela, pemento e sementes de comiño.
- Monta o taco con todos os ingredientes.
Taco de polbo
- Monta o taco co polbo cocido, a cebola vermella crúa e o perexil sobre unha base de pataca fervida en toros.
Outras recomendacións
Probaches a piadina como base para pizza? Contámosche como preparala.