Goza preparando as receitas máis saborosas coa nosa masa follada sen glute.

O proceso de elaboración fai que a súa textura sexa máis crocante e iso diferénciaa doutras masas para cociñar. Ademais, a masa follada sen glute mantén as mesmas propiedades que a masa follada común tanto na súa maneira de cociñar como no seu resultado final. Se es dos que lles gusta a masa follada para elaborar receitas, sigue os pasos que che mostramos a continuación.

Follado de pera, canela e noz

Ingredientes:

• 2 paquetes de masa follada sen glute
• 1 ovo batido
• Canela en po segundo guste
• 3 culleradas de noces picadas grosas
• Iogur grego segundo guste

Para a crema:

• 150 g de leite enteiro
• 1 rama de canela
• 2 xemas de ovos M
  2 culleradas de azucre
• 1 cullerada de maicena
• 1 cullerada de té de manteiga

Para as peras:

• 65 g de azucre amarelo
• 2 culleradas de manteiga
• 1 chisco de sal
• 2 peras

1. Para a crema, quenta o leite cunha rama de canela nun cazo ata que ferva.

Nun cunco, mestura as xemas de ovo co azucre e a maicena. Retira a rama de canela e bota o leite quente por enriba, removendo continuamente. Volve poñer a mestura ao lume, removendo continuamente, ata que espese. Engade a manteiga e mestura. Reserva.

2. Para as peras, pon o azucre, a manteiga e o sal nunha tixola e quenta a lume medio-alto. Corta as peras en cuartos e cada cuarto en 3-4 liscos e ponas na tixola. Cocíñaas en azucre ata que estean douradas.

3. Corta 8 cadrados de follado, pica lixeiramente cun garfo e pinta os bordos da masa co ovo batido. Estende a crema de canela no centro e esparexe unha pouca canela en po. Coloca enriba os liscos de pera e un pouco almibre.

Esparexe as noces e méteos no forno, quentado previamente a 180 ºC, durante 20 minutos.

Retira, sirve con iogur grego e decora con follas de menta.

Follado de xamón, espárragos e parmesano

Ingredientes:

• 80 g de queixo crema
• Pementa negra segundo guste
• Reladura da casca de ½ limón
• 1 cullerada de té de ourego
• 60 g de queixo «da ilha» (das Azores)
• 2 paquetes de masa follada sen glute
• 8 liscos de xamón
• 24 espárragos
• 1 ovo batido
• Sementes de sésamo segundo guste

1. Nun cunco pequeno, mestura o queixo crema coa pementa, a reladura de limón, o ourego e a metade do queixo relado.

2. Corta 8 cadrados de follado, pica lixeiramente cun garfo e estende a mestura de queixo por enriba.

3. Coloca un lisco de xamón e 3 espárragos en cada cadrado.

4. Dobra dúas esquinas do cadrado cara ao centro e cerra. Pinta a superficie da masa co ovo batido e esparexe as sementes de sésamo.

Méteos no forno, quentado previamente a 180 ºC, durante 20 minutos.

Convértete nun auténtico xefe de cociña e prepara estas receitas sen glute, fáciles e saborosas, doces e salgadas, para todos os gustos.

Outras recomendacións

Sabías que na nosa web hai varias receitas ideais para persoas intolerantes ao glute? Próbaas!