Cociñas coa nosa Cebola confeitada? É un condimento culinario excepcional co que podes engadir un toque doce a unha gran variedade de pratos.

Pero o mellor de todo é a súa comodidade. Facilítache a vida na cociña, xa que é un produto listo para consumir e agregar aos teus pratos. Imaxinas aforrar o esforzo e o tempo que pasas cortando, refogando e confeitando a cebola?

Goza da textura da nosa Cebola confeitada, é suave e tenra. Perfecta para realzar o sabor dos teus pratos e para estender sobre torradas, hamburguesas, pizzas ou como acompañamento para carnes e queixos. Moito máis que un simple ingrediente, descúbreo!

Sigue o paso a paso para cociñar estas 4 receitas con Cebola confeitada (para 2 persoas)

Hamburguesa con cebola confeitada

1. Cociña 2 hamburguesas de vacún e porco nunha prancha ou tixola ampla a lume intenso.

2. En canto lles deas a volta ás hamburguesas, coloca un lisco de queixo tenro sobre cada unha delas. Na mesma tixola, quenta 1 cullerada de cebola confeitada e, deseguida, coloca enriba do queixo.

3. Coloca 3 liscos de xamón entre papel vexetal e méteos 1 minuto no microondas para que quede crocante.

4. Torra 2 pans tipo brioche na tixola pola parte interior.

5. Para montar as hamburguesas, pon na parte de abaixo do pan un pouco ketchup zero, enriba unha pouca eiruga, a hamburguesa co queixo e a cebola e, por último, o xamón crocante cortado en anacos.

Tosta de cebola confeitada, brie e noces

1. Corta un pan de bagueta en rodas. En cada unha delas, engade unha cortada grosa de queixo brie e 1 culleradiña de cebola confeitada.

2. Mete no forno todas as tostas un par de minutos a 200 ºC.

3. En canto as tostas saian do forno, coroa cunhas noces cortadas en anacos e una rama de ceboliño.

Pescada con patacas e cebola confeitada

1. Pon a cocer 2 patacas medianas coa súa pel uns 20 minutos dende que a auga empece a ferver. Reserva.

2. Nunha tixola, quenta 4 culleradas de cebola confeitada e en canto comece a “bailar” engade ½ vaso de viño branco. Cociña uns minutos ata que evapore o alcohol.

3. Pela as patacas e córtaas en rodas de arredor de 1,5 cm. Colócaas, salpementadas e cun fío de aceite, na base dun recipiente apto para o forno.

4. Coloca 2 filetes de pescada enriba das patacas coa pel cara a abaixo e reparte a cebola confeitada sobre os lombos.

5. Enforna uns 10 minutos a 180 ºC e, ao saír do forno, esparexe con perexil picado.

Pasta con cebola confeitada

1. Pon a cocer 180 g de tortiglioni en abundante auga salgada.

2. Nunha tixola, quenta 2 culleradas de cebola confeitada. Enseguida, engade 100 ml de nata fresca para cociñar e 100 g de queixo gorgonzola.

3. En canto estea quente a mestura, engade 1 culleradiña de fariña de millo disolta nun chorro de auga fría.

4. Cando a pasta leve uns 8-9 minutos de cocción, escórrea e engádea á tixola coa salsa de queixo. Engade un cullerón da auga da cocción e remove o conxunto a lume intenso.

5. Esparexe con noces cortadas en anacos, mestura e sirve no prato.

Outras recomendacións

Se tes tempo para cociñar, en Mercadona dispós de 5 tipos de cebola natural diferentes. Contámosche os seus usos máis frecuentes.

Toma nota destas receitas con Salsas Ketchup para as túas ceas informais.