Bebidas vegetales, puro bienestar con todo el sabor

Bebidas vexetais, sabores auténticos para o teu benestar

30 de xuño de 2017

As bebidas vexetais de Mercadona permítenche alimentarte e hidratarte do xeito máis saboroso este verán. Esta clase de bebidas, baseadas en proteínas de orixe vexetal, xurdiron como unha alternativa ao leite, para aquelas persoas adultas con intolerancia á lactosa ou para as que non lles gusta o seu sabor.

De xeito que as bebidas vexetais poden ser unha boa opción para os teus almorzos, ou podes tomalas a calquera hora do día e gozar do seu sabor natural e auténtico. Poden consumirse frías ou a temperatura ambiente.

Por outro lado, as bebidas vexetais de Mercadona son bebidas indicadas para dietas baixas en graxas e colesterol, e por iso moi recomendables para as persoas maiores. Alén de seren baixas en calorías, polo que resultan moi indicadas en dietas de adelgazamento e poden axudarche a manter a liña nesta época do ano.

Bebidas vexetais de Mercadona

Na nosa tenda encontrarás unha interesante variedade de bebidas vexetais, composta por bebidas de avea, arroz e améndoa, para poderes escoller aquela que máis che gusta.

Bebida Avea e Arroz Alitey

  • Estas bebidas 100% vexetais poden consumirse a calquera hora do día, son ideais para conseguires unha dieta equilibrada mediante proteínas de orixe vexetal.
  • Posúen un baixo contido en graxas saturadas, que contribúe no mantemento de niveis normais de colesterol.
  • Sen azucres engadidos (contén só azucres presentes naturalmente).
  • Baixo contido en calorías.

Bebida de Améndoa Soymilk

  • Pode consumirse a calquera hora do día, para alén de seren ricas en antioxidantes e minerais esenciais, como o potasio e o calcio.
  • A bebida de améndoas é doada de dixerir e moi recomendable para todos os intolerantes á lactosa. Axuda a facer a dixestión o menos pesada posible.

Bebida de Améndoa Soymilk Sen Azucre

  • Contén todas as propiedades da bebida de améndoa, mantendo o mesmo sabor, mais neste caso sen azucres engadidos.

Xa sabes que tes á túa disposición esta rica variedade de bebidas vexetais en Mercadona. Teñen o sabor máis auténtico para garantiren o teu benestar. Escolle a que máis che gustar!

Outras recomendacións

Se quixeres gozar dunha bebida nutritiva e refrescante, recomendámosche os Zumes Frescos Hacendado, elaborados a base de froitas, vexetais e plantas de distintas propiedades.

E se preferires tomar leite, refréscate este verán coas Bebidas Frías con Leite de Mercadona de Cacao, Matcha Latte e Mango Lassi.