Mercadona, firme no seu compromiso coa sociedade, traballa diariamente para mellorar a xestión das súas tendas e almacéns, para reducir o impacto ambiental dos seus procesos. 

Un dos principais obxectivos da compañía é reducir o desperdicio alimentario. Para iso, desenvolveu innovadoras ferramentas informáticas para xestionar os pedidos, a venda e o control das existencias de forma eficiente.  

Estas son algunhas das medidas contra o desperdicio de alimentos que Mercadona aplica nas súas tendas: 

• Regular pedidos para evitar o sobrestock no almacén e nas tendas. Os pedidos realizados dende as nosas tendas aos provedores ou almacéns a diario axustando ao máximo as existencias á previsión de venda.
• Sen ofertas nin promocións. Mercadona fomenta un consumo responsable, que axuda a axustar a compra ás necesidades reais dos fogares e a previr así o desperdicio.
• Axustar o prezo dos produtos con data de caducidade próxima. Mercadona fomenta a venda dos excedentes de produtos frescos e daqueles próximos á súa data de caducidade axustando o seu prezo.
• Doazóns a entidades sociais. A compañía colabora con máis de 650 entidades sociais de España e Portugal ás que entrega diariamente os excedentes non vendidos que son perfectamente aptos para o consumo. 
• Aproveitamento dos produtos non aptos para a venda. Os produtos que non son aptos para a venda nin para a súa doazón a entidades sociais entréganse a xestores autorizados que o transforman en comida para animais, fertilizante ou enerxía.

Semana contra o desperdicio da AECOC 

Un ano máis, Mercadona únese á 6.ª Semana contra o desperdicio alimentario liderada pola Asociación Española de Fabricantes e Distribuidores (AECOC), que ten lugar do 25 ao 30 de setembro de 2023, coincidindo esa semana co Día Internacional de Concienciación sobre a Perda e o Desperdicio de Alimentos.