Mercadona, no seu compromiso coa sostibilidade e a economía circular, implementou en colaboración con Logifruit, Provedor Totaler de loxística, medidas significativas en toda a súa cadea de subministración. Un exemplo son os palés de plástico utilizados na súa cadea de subministración dende hai máis de 20 anos, que son completamente circulares.

Características relevantes dos palés de Mercadona:

• Plástico 100 % reciclado: dende febreiro de 2004, todos os palés de plástico utilizados por Mercadona están fabricados con plástico 100 % reciclado e son, á súa vez, reciclables.
• Redución de residuos: o uso de plástico 100 % reciclado contribúe a xerar menos residuos plásticos e fomenta a economía circular.
• Garantía de calidade e seguridade alimentaria: estes palés están deseñados para ser facilmente hixienizados e preservar a calidade e a seguridade dos produtos transportados.
• Versatilidade: estes palés utilízanse en todas as áreas da cadea de subministración de Mercadona, dende o provedor ata o transporte ás tendas, e na loxística inversa, onde se devolven envases baleiros, as cápsulas de café ou as caixas de cartón ao almacén, así como para transportar máquinas ou materiais.
• Estabilidade e durabilidade: estes palés están feitos de plástico, un material resistente, estable e impermeable que evita que se desprendan cravos ou estelas. Ademais, son modulares e reparables, é moi fácil substituír un patín roto por outro novo no mesmo bloque loxístico e enviar a peza rota a reciclar.

Infografía sobre as características dos nosos palés.

O uso destes palés en toda a cadea de subministración dende hai máis de 20 anos, obedece ao compromiso de Mercadona coa eficiencia, a sostibilidade e as prácticas comerciais responsables. Outro exemplo destacado de economía circular da compañía son as caixas verdes para froita e verdura, que poden ser reutilizadas máis de 120 veces, son tamén 100 % reciclables e reducen a xeración de residuos. Ademais, ao seren pregables evitan 107.072 traxectos de camión ao ano, que reduce significativamente as emisións de CO2.

Coñece máis información sobre o compromiso sostible da compañía.