- A AECOC é a organización sectorial que lidera a iniciativa que terá lugar dende o luns 27 de setembro ata o sábado 2 de outubro.
- Dende a súa primeira edición Mercadona apoia esta campaña de concienciación social a través da súa rede de tendas de toda España.
- Empresas, consumidores e outras institucións únense co obxectivo de sensibilizar sobre o problema do desperdicio alimentario.
O desperdicio alimentario é un problema global que preocupa tanto a cidadáns como a organizacións, administracións e empresas. Mercadona, no marco do seu compromiso social e medioambiental, únese á cuarta edición da Semana contra o desperdicio alimentario que se celebra do 27 de setembro ao 2 de outubro de 2021. A iniciativa, organizada pola Asociación de Fabricantes e Distribuidores (AECOC), ten o obxectivo de poñer en valor a importancia dos alimentos e de facer un bo uso deles.
Mercadona, a través da súa ampla rede de tendas e mediante todos os seus medios de carteis e megafonía, apoia esta campaña de sensibilización e concienciación para evitar o desperdicio, non só polo forte impacto económico e social que ten, senón tamén polo seu negativo impacto medioambiental.
É tarefa de todos paliar o dispendio alimentario, un feito que involucra tanto a poboación en xeral como todos os elos da cadea alimentaria.
Ao igual que o ano pasado, esta edición coincide co Día Internacional de Concienciación sobre a Perda e o Desperdicio de Alimentos que se celebra o 29 de setembro. E, ademais, forma parte da iniciativa da AECOC “A alimentación no ten desperdicio, aprovéitaa” da que forma parte Mercadona dende 2012 xunto a máis de 500 empresas colaboradoras.
Mercadona contra o desperdicio alimentario
Mercadona conta cunha Política de Xestión de Residuos propia na que a través de diferentes estratexias reduce o desperdicio de alimentos nos seus procesos. Estas son algunhas das medidas contra o desperdicio:
- Priorizar pola calidade. Por exemplo, as laranxas do servizo de zume acabo de espremer que se utilizan son de gran calidade pero polo seu aspecto ou tamaño sería difícil a súa venda en malla ou a granel.
- Doazón de produtos. Dende Mercadona realízanse a diario doazóns de produtos retirados da venda pero aptos para o consumo a entidades sociais. Na primeira metade de 2021 doáronse 10.000 toneladas de produtos en toda España.
- Converter o inservible. Se algún produto caduca ponse a disposición de xestores autorizados para transformalo en enerxía, fertilizante ou penso.
- Liquidación en frescos. Os prezos van en función da dispoñibilidade, polo que se hai moito dun produto o prezo baixa para poder vendelo máis rápido.
- Pedir o xusto e necesario. En Mercadona axústanse os pedidos á previsión de venda para evitar a acumulación de produtos na tenda.
- Só o que necesitas. Mercadona non apoia a idea de comprar de máis ou almacenar, por iso, non realiza promocións/ofertas que non fomenten un consumo responsable e, polo contrario, aplica a política de Sempre Prezos Baixos.
Coñece outras medidas que a compañía leva a cabo na última Memoria Medioambiental 2019-2020 de Mercadona.
Imaxe de cabeceira: Cartel oficial da campaña 4.ª Semana contra o desperdicio.