- O pasado 10 de marzo Mercadona adquiriu o firme compromiso de “DAR O SI A COIDAR MÁIS O PLANETA”. Hoxe, con esta nova sección na web e a Estratexia posta en marcha para a redución do plástico avanzamos un paso máis.
- Mercadona é unha empresa comprometida co ámbito, que asume os desafíos e as preocupacións da sociedade e, por iso, cada día dedica maiores esforzos a seguir coidando o planeta; de aí o reforzo do seu compromiso co investimento de 44 millóns de euros en 2019 en medidas de protección ambiental.
Mercadona conta cun Sistema de Xestión Ambiental propio e aplica os principios da Economía Circular en diversos procesos baixo a premisa de facer máis con menos impacto. Este esforzo concrétase en impulsar unha LOXÍSTICA SOSTIBLE, a EFICIENCIA ENERXÉTICA, a XESTIÓN RESPONSABLE DE RESIDUOS, a PRODUCIÓN SOSTIBLE e a REDUCIÓN DO PLÁSTICO.
Estas áreas de traballo non son algo novo para Mercadona, conta con numerosos exemplos como o Pool de envases reutilizables de Logifruit, que leva en marcha 25 anos. O seu modelo de xestión de residuos, grazas ao cal Mercadona dá unha segunda vida a 220.000 T de cartón e plástico ao ano (o 100% das embalaxes que usa a empresa e posteriormente recicla). Ou a eliminación da bolsa de plástico dun só uso na liña de caixas que Mercadona implantou en 2019, quedando a disposición dos “Xefes” unha bolsa de papel reciclable, unha bolsa de plástico elaborada con plástico reciclado e a cesta de rafia reutilizable e feita con material reciclado que foi implantada hai anos en toda a cadea.
O uso eficiente dos recursos naturais é responsabilidade de todos e por iso é fundamental dar unha nova vida aos residuos e evitar que se convertan nun desperdicio de materias primas moi valiosas. Neste sentido, Mercadona está multiplicando os seus esforzos na redución de plásticos e xestión de residuos a través da implantación da Estratexia 6.25.
A Estratexia 6.25 para a redución do plástico: unha Mercadona máis verde
A Estratexia 6.25 ten un triplo obxectivo ata 2025 que Mercadona vai levar a cabo a través do desenvolvemento de 6 accións:
Ao longo de 2020 Mercadona eliminará a bolsa de plástico dun só uso en todas as seccións, así como os desbotables de plástico. Ata 2025, a compañía comprométese a diminuír nun 25% o uso de plástico dos seus envases eliminando o que non engada valor, substituíndoo por outros materiais e incorporando plástico reciclado. Ademais, Mercadona comprométese a que en 2025 todos os seus envases de plástico sexan reciclables
A quinta acción da Estratexia 6,.25 compromete a Mercadona a reciclar o 100% dos residuos plásticos das Tendas físicas, Servizo a Domicilio e Online.
E por último, Mercadona axudará aos “Xefes” a reciclar achegándolles información útil sobre reciclaxe tanto na tenda como nos envases, a través de pictogramas indicativos.
Para levar a cabo esta Estratexia, a empresa tivo en conta formar aos 90.000 empregados. Ademais, transmitiu os obxectivos da Estratexia aos seus provedores, que xa traballan no seu cumprimento xunto aos departamentos de Compras e Prescrición.
Mercadona tamén lles quere poñerlle as cousas fáciles aos “Xefes” e por iso tomou diversas medidas, como a implantación da Tenda 6.25.
A Tenda 6.25, situada en València, é a escenificación da Estratexia 6.25 no punto de venda e axudaralle a Mercadona a transmitirlle ao “Xefe” (cliente) e aos Traballadores as accións que se están levando a cabo, ademais de escoitar as súas valoracións sobre o terreo. Durante o mes de outubro de 2020 abrirase unha tenda piloto destas características en cada provincia española e unha en Portugal. A partir de aí faranse as correccións necesarias e implantarase este modelo en toda a cadea.
Por outra parte, Mercadona creou esta nova sección web onde o Xefe encontrará contido sobre reciclaxe, cuestións medioambientais e os feitos sostibles de Mercadona.
