cremas de Mercadona

Vén aí o verán e volta circular o embuste sobre as cremas de Mercadona

13 de maio de 2016

Circula o embuste de que Sanidade retira 11 produtos Deliplus e Solcare de Mercadona e esa información é totalmente falsa.

As cremas Deliplus e Solcare de Mercadona son, e foron sempre, totalmente seguras para a saúde do consumidor.

Como todos os anos por estas datas, circula o embuste informando de que Sanidade retira 11 produtos Deliplus e Solcare. Esta información, como xa indicou a Axencia Española de Medicamentos e Produtos Sanitarios (AEMPS) nun comunicado en 2012 e varias asociacións de consumidores en repetidas ocasións, é completamente FALSA.

 

Que sucedeu?

En agosto de 2012, a Axencia Española de Medicamentos e Produtos Sanitarios (AEMPS) advertiu que 11 cremas das marcas Solcare e Deliplus, fabricadas por RNB Cosméticos, incluían un incumprimento lexislativo na súa etiquetaxe que, en ningún caso, suporía risco sanitario. Aínda que non representaba risco ningún para a saúde dos consumidores, como explicou claramente a propia AEMPS nun comunicado, en Mercadona decidimos retirar voluntariamente todos eses produtos das nosas tendas e requerir a súa fabricación cunha nova fórmula consoante ás recomendacións lexislativas da Axencia.

Calidade das cremas de Mercadona

Porén, este embuste volta circular todos os anos por estas datas. En Mercadona queremos que coñezas todos os procesos de calidade que pasan acotío as nosas cremas. É por iso que abrimos as portas de RNB, laboratorio cosmético fabricante das cremas de Mercadona, para cho contarmos.

Anualmente fabrícanse máis de sesenta millóns de unidades de cremas para A Perfumería de Mercadona. Convidámoste a coñecer como é o proceso de fabricación das cremas de Mercadona.

Seguridade alimentaria e calidade en Mercadona

Para Mercadona a seguridade alimentaria é irrenunciable en todos e cada un dos produtos da súa variedade. A compañía conta cun Sistema de Xestión de Calidade e de Seguridade Alimentaria que abrangue toda a cadea de suministro: desde a súa orixe até o consumidor final. Convidámoste a descubrir o que fixemos en 2015.

Agradecémosche que nos axudes a difundir esta información e a desmentirmos o embuste.