Novos “xefes” (clientes) de Mercadona, compañía de supermercados físicos e de venda en liña, comezan a utilizar as tinturas para o pelo dispoñibles na sección Perfumería. Este incremento vese reflectido nas vendas, xa que a compañía pasa de vender 11 unidades por tenda ao día, a vender 25 unidades por tenda ao día; ao tempo que os novos “xefes” contactan coa compañía a través das súas canles oficiais, como as redes sociais ou o teléfono gratuíto de atención ao cliente, para resolver as súas dúbidas sobre como usalo.

Laboratorios Neocos, Provedor Totaler encargado de elaborar a gama de tinturas para o pelo dispoñible na sección Perfumería de Mercadona,  acelerou a posta en marcha da súa nova liña de produción e incrementou o número do seu cadro de persoal para garantir a subministración destes produtos, elaborados na súa fábrica de Algemesí (Valencia).

A gama de tinturas para o pelo está formada por distintos produtos, entre eles, Coloración Permanente con Amoníaco con Cobertura 100% Canas que Escurece ou Aclara de 2 a 3 tons. Esta liña de produtos, dispoñible en toda a cadea dende mediados de 2014, foi evolucionando para adaptarse ás necesidades do cliente, e actualmente nalgunhas das súas tendas incorporouse un novo kit cun Sérum Protector para aplicar antes da tintura. Ademais, froito da colaboración co Provedor Totaler e de captar co “Xefe”, neste novo kit o sobre Post Acondicionador transformouse nun envase cun tapón que o cliente poida abrir coas mans molladas, e aumentouse á vez a cantidade deste.

Lineal de tinturas na sección Perfumería de Mercadona.