AVISO DE COOKIES

Este sitio web utiliza cookies propias e de terceiros coa finalidade de facer que a súa navegación sexa segura, facer análise estatística das visitas á web, así como coñecer o seu comportamento. Se desexa máis información pode consultar a nosa POLÍTICA DE COOKIES. Pode aceptar o uso de cookies pulsando "ACEPTAR" ou Configurar/Rexeitar o seu uso pulsando pulsando "CONFIGURAR/REXEITAR".

Traballador de Mercadona na tenda

Mercadona repite como a mellor empresa do sector distribución en atraer e reter talento

29 de outubro de 2019
  • Segundo o Monitor Español de Reputación Corporativa (Merco), Mercadona é a empresa máis atractiva para traballar do sector da distribución en España e a sexta a nivel global.
  • Na enquisa participaron 32.933 persoas que valoraron positivamente as condicións laborais de Mercadona.

Mercadona foi recoñecida como a mellor empresa do sector da distribución e a sexta a nivel global en atraer e reter talento. A compañía repite un ano máis as mesmas posicións da clasificación Merco Talento do Monitor Español de Reputación Corporativa grazas á valoración de 32.933 enquisados.

Esta clasificación realízaa Merco, un dos principais monitores empresariais de reputación corporativa de referencia en España e Latinoamérica, dende 2006. A clasificación recoñece as 100 empresas máis atractivas para traballar en España a través da avaliación da xestión das persoas e o estudo das diferentes dimensións de reputación que teñen que ver co talento, tendo en conta a percepción de todos os colectivos sobre a capacidade das empresas á hora de captar e reter o talento.

En concreto, este ano participaron un total de 32.933 persoas entre as que se encontran 17.933 traballadores, 5.628 universitarios, 1.447 alumnos de escolas de negocios, máis de 7.600 cidadáns e máis de 270 responsables e expertos en distintos ámbitos dos recursos humanos.

As condicións laborais de Mercadona: emprego estable e de calidade

Un dos compoñentes máis importantes de Mercadona son os traballadores, por iso, o modelo de Recursos Humanos de Mercadona ofrece un traballo estable e de calidade, con salarios por enriba da media do sector, formación e a posibilidade de ascender internamente.

As condicións dos traballadores de Mercadona tamén foron recoñecidas pola Organización Internacional do Traballo (OIT) en canto a emprego estable e de calidade.

Imaxe de cabeceira: Marcelo, traballador da tenda de La Pobla de Vallbona, València.