A aposta de Mercadona, compañía de supermercados físicos e de venda en liña, polos produtos frescos e, concretamente, pola froita e verdura de proximidade, fai que a compañía teña previsto comprar aproximadamente 850 toneladas de figos de orixe nacional durante a campaña de 2020, cifra que representa un 30 % máis que en 2019, ano no que a compañía adquiriu aproximadamente 650 toneladas.

Para abastecer de figo nacional, rico en fibra e en minerais esenciais, á sección de Froita e Verdura das máis de 1.600 tendas durante os meses de xullo e agosto, momento en que se produce a campaña, a compañía colabora con 10 provedores locais, cuxos campos se sitúan na Comunidade Valenciana, Catalunya, Castilla y León e Canarias

Comprometidos cos produtos de orixe nacional

En 2019 as compras de Mercadona en España alcanzaron un valor superior aos 19.970 millóns de euros. Grazas aos acordos comerciais da compañía co sector primario, Mercadona colabora con 9.500 agricultores, 12.000 pescadores e 6.700 gandeiros. Ademais, a compañía apoia a iniciativa do Ministerio de Agricultura, Pesca e Alimentación “Froitas e Verduras de temporada”.

Así mesmo, Mercadona defende as prácticas comerciais xustas e dende hai anos está adherida ao Código de Boas Prácticas Mercantís na Contratación Alimentaria. Este acordo voluntario, que supón un novo paso na promoción de prácticas comerciais xustas, enmárcase na Lei de Medidas para Mellorar o Funcionamento da Cadea Alimentaria e está impulsado polo Ministerio de Agricultura, Pesca e Alimentación (MAPA) en colaboración con distintas asociacións de toda a cadea agroalimentaria nacional.

Figos frescos dispoñibles na sección Froita e Verdura de Mercadona.

Figos no campo.