Segundo a recente “Clasificación Xeral de Empresas 2024” do Monitor Empresarial de Reputación Corporativa (Merco), unha institución recoñecida e referente en España e Latinoamérica pola súa avaliación independente e rigorosa da reputación corporativa dende o ano 2000, Mercadona foi recoñecida como a empresa líder en canto a reputación no sector da distribución xeralista e situouse en segundo lugar na clasificación xeral en España.

Este recoñecemento reflicte o compromiso constante de Mercadona coa excelencia empresarial e a xestión responsable. A empresa non só demostrou un desempeño sólido en termos económicos, senón tamén unha boa percepción na calidade dos seus produtos e servizos, entre outros valores.

Recoñecemento a Juan Roig

Ademais, na “Clasificación Xeral de Líderes 2024”, Juan Roig, Presidente de Mercadona, foi novamente recoñecido como o líder empresarial coa maior reputación, mantendo este título por sexto ano consecutivo. O seu liderado visionario e o seu compromiso cos valores éticos, seguen sendo aspectos que o consolidan como un líder de referencia no tecido empresarial español.

Metodoloxía e avaliación

A rigorosa metodoloxía de Merco para a elaboración destas clasificacións inclúe a participación de máis de 63.000 persoas, entre elas directivos de empresas, analistas financeiros, catedráticos, e representantes doutros grupos de interese. Estas persoas avalían as empresas segundo criterios que abarcan dende os resultados económicos ata a xestión do talento, pasando pola innovación, a ética empresarial e a responsabilidade corporativa no panorama empresarial.