- A compañía está reactivando progresivamente Listo para Comer, sección de pratos acabados de facer, en todas as tendas onde estaba operativo antes do Estado de Alarma e prevé dispoñer deste servizo en 200 supermercados en xullo e 500 en outubro, aos que haberá que sumar 150 novas implantacións antes de que remate o ano.
- Co obxectivo de ofrecer información máis actualizada para os nosos “Xefes” (clientes), procedeuse a implantar na web da compañía un mapa coas tendas onde se reactiva a sección (ver aquí).
- Amplía a oferta con novos pratos saudables, como minestra de verduras e peixes con gornición; distintos tipos de bocadillos, como brioche vexetal, bocadillo de xamón e hamburguesa de Angus; o un novo mostrador de Hot Deli cunha ampla selección de asados, como polo, costelas ou patacas.
- A compañía finalizou 2019 con 319 tendas coa nova sección de Listo para Comer, incluídas as 10 de Portugal, onde esta sección se denomina Pronto a Comer.
Mercadona, compañía de supermercados físicos e de venda en liña, está recuperando de forma progresiva o servizo de Listo para Comer, sección de pratos acabados de facer, paralizado durante o Estado de Alarma. A compañía ten previsto que o devandito servizo estea operativo en 200 supermercados en xullo e 500 en outubro, aos que haberá que sumar 150 novas implantacións antes de que remate o ano.
Paralelamente, Mercadona decidiu intensificar os seus esforzos e investimentos para seguir consolidando a sección Listo para Comer tanto en España como en Portugal, onde se denomina Pronto a Comer. Concretamente, destinará máis de 170 millóns en 2020, o que lle permitirá pechar o ano con este servizo operativo nun total de 650 tendas de España e Portugal, e cun cadro de persoal de máis de 4.000 traballadores con formación específica en Listo para Comer.
Así mesmo, a compañía ampliou a oferta con novos pratos saudables, como minestra de verduras ou distintos tipos de peixes -dourada, salmón e bacallau- con gornición; máis bocadillos como o brioche vexetal, a hamburguesa de Angus ou o bocadillo de xamón; e un novo mostrador de Hot Deli con ampla selección de asados, como polo, costelas ou patacas, onde destaca o Frango, polo típico de Portugal.
Todas estas novas referencias son servidas en envases sostibles elaborados con cana de azucre ou de cartón, froito do compromiso activo de Mercadona co medio ambiente en “dar o SÍ a coidar máis o Planeta” e unha aposta decidida pola sostibilidade a longo prazo do proceso.
De forma constante, a compañía realiza sesións cos “Xefes” (clientes) no centro de coinnovación situado en Burjassot (Valencia), co obxectivo de escoitar e captar as súas necesidades para reforzar a súa oferta, actualmente elaborada por máis de 120 provedores especialistas, aos que a compañía espera que se unan moitos máis.
Consulta a túa tenda máis próxima
Co obxectivo de ofrecer información máis actualizada para os nosos “Xefes” (clientes), procedeuse a implantar na web da compañía un mapa coas tendas onde se reactiva a sección (ver aquí).
Cartel en español:
Coñece en que tendas hai Listo para Comer.
Sección Listo para Comer en Mercadona.
