• Esta tenda reabre após unha reforma integral cun investimento de 1,4 millóns de euros e coa participación de 15 empresas e fornecedores da zona, que deron emprego a máis de 150 persoas durante a fase de reforma.
• O alcalde de Lucena, Juan Pérez, acompañado de directivos de Mercadona realizou unha visita institucional ao supermercado, onde se puxo en valor a xeración de emprego da cadea no municipio.

Mercadona reabre hoxe as portas do supermercado localizado na Avenida del Parque en Lucena (Córdoba), após unha reforma integral para o adaptar ao novo Modelo de Tenda Eficiente da compañía, cun investimento de 1,4 millóns de euros e coa participación de 15 fornecedores que deron emprego a 150 persoas durante a fase de reforma. O novo supermercado presenta un novo deseño que mellora a distribución, a decoración e a disposición de todas as seccións, co obxectivo de mellorar e optimizar a experiencia de compra dos seus "Xefes", como a compañía denomina internamente os seus clientes.

O alcalde de Lucena, Juan Pérez, realizou unha visita institucional ao supermercado acompañado de directivos da compañía, onde puido coñecer as novidades deste novo modelo de tenda eficiente que Mercadona inaugurou no municipio. Durante a visita, o alcalde puido coñecer a aposta da cadea de supermercados pola xeración de emprego na localidade, onde conta con dous supermercados e un cadro de persoal total de 94 traballadores, todos eles con empregos estables e de calidade.

A nova tenda eficiente de Mercadona en Lucena conta cunha superficie de sala de vendas de 1.600 metros cadrados e 99 prazas de aparcadoiro. Dispón dun deseño totalmente renovado respecto do anterior modelo de tenda con novas cores e materiais, quer na fachada exterior de acceso ao supermercado quer na distribución das diferentes seccións. Aposta por amplos espazos diáfanos que facilitan a entrada de luz natural e as cores cálidas na delimitación dos diferentes ambientes. 

Novidades en todas as seccións

Ademais, presenta novidades en todas as seccións e delas benefícianse tanto os “Xefes” (clientes) como os traballadores, os fornecedores e a sociedade. Por exemplo, dispón dunha nova entrada con duplo acristalado que evita correntes de aire, de andeis específicos para o leite fresco e de zumes refrixerados, dun novo punto de acabado para a carne, dunha góndola central na perfumería para a cosmética especializada e dunha nova exposición na peixería para os produtos de cuncha, entre outras novidades.

Este novo Modelo de Tenda Eficiente de Mercadona tamén procura ofrecer un mellor servizo para facilitar a compra dos clientes mediante a ampliación dos corredores de froita e vexetais, un novo modelo de cesta da compra e dous modelos de carros, moito máis ergonómicos e lixeiros.

Adicionalmente, co obxectivo de facilitar as tarefas cotiás dos traballadores, este novo supermercado inclúe múltiples medidas para mellorar a ergonomía e eliminar os sobreesforzos. Para o deseño do novo moble de caixa, Mercadona contou coa colaboración do Instituto de Biomecánica de Valencia. Ademais, dispón de zonas comúns para que os empregados gocen dunha maior comodidade nos seus momentos de lecer, así como dunha zona comedor máis equipada e duns armarios personais máis amplos e cómodos.

Aforro enerxético e xestión totalmente informatizada: tenda eco-eficiente

A nivel medioambiental, tomáronse medidas que permiten reducir até nun 40% o consumo enerxético respecto do modelo de tenda convencional, por mor da mellora do illamento térmico e acústico, optimizando os materiais e o grosor de paredes e teitos e con novas arcas de conxelado máis eficientes enerxeticamente e respectuosas co medio ambiente. Ademais, conta cun sistema de iluminación LED automatizado regulado segundo as zonas e os momentos do día, para unha xestión enerxética moito máis eficiente. 

Do mesmo xeito, este Novo Modelo de Tenda de Mercadona, completamente conectada tecnoloxicamente, integra unha serie de dispositivos electrónicos e ferramentas colaborativas para os traballadores, cos que poder compartir información desde calquera sección da tenda; facilitando a autoxestión de cada supermercado e axilizando os procesos de toda a cadea. Entre os novos dispositivos, encóntranse entre outros, a liña de caixas, as balanzas ou o uso de tabletas electrónicas que substitúen o papel para realizar as xestións administrativas. Todo isto permite optimizar os procesos e coñecer a xestión da tenda en tempo real, facilitando a toma de decisións e contribuíndo a unha maior axilidade, especialmente, na xestión dos produtos frescos. 

O horario de abertura do supermercado é de luns a sábado, de 09h00 a 21h30, e dispón dun aparcadoiro de 99 prazas para facilitar a compra a todos os clientes que se movan en vehículo privado. Ademais, Mercadona habilitou o seu servizo a domicilio e a compra online a través da páxina web.

Con esta nova abertura, os clientes de Mercadona beneficiaranse da súa coñecida política comercial S.P.B. (Sempre Prezos Baixos), que a compañía emprega de xeito exclusivo e que consiste en garantir o menor prezo unitario dos produtos, coa mellor calidade, de forma permanente. Grazas a isto, Mercadona pode ofrecerlles aos seus clientes unha variedade eficaz, con independencia de quen fabrique o produto, coa máxima calidade e ao mínimo prezo posible.

Mercadona ten previsto para o exercicio 2017 investir 180 millóns de euros en reformar e renovar con este Novo Modelo de Tenda Eficiente 125 tendas repartidas por toda España, así como investir 5 millóns de euros en I+D+i en novas melloras informáticas. 

Mercadona en Córdoba

Mercadona, empresa familiar de capital 100% español, conta en Córdoba con 29 supermercados de proximidade (2 deles no municipio de Lucena) e dá emprego a un cadro de persoal de 1.370 traballadores, todos con empregos estables e de calidade. Na súa aposta polo sector produtor e industrial da provincia, Mercadona realiza compras a fornecedores locais por valor de máis de 290 millóns de euros.