AVISO DE COOKIES

Este sitio web utiliza cookies propias e de terceiros coa finalidade de facer que a súa navegación sexa segura, facer análise estatística das visitas á web, así como coñecer o seu comportamento. Se desexa máis información pode consultar a nosa POLÍTICA DE COOKIES. Pode aceptar o uso de cookies pulsando "ACEPTAR" ou Configurar/Rexeitar o seu uso pulsando pulsando "CONFIGURAR/REXEITAR".

Representantes de Mercadona e a Fundación Capacis en tenda

Mercadona e a Fundación Capacis colaboran na construción de xardíns verticais na súa tenda da rúa Estocolmo (Madrid)

15 de outubro de 2019
  • Hoxe colocouse unha placa neste supermercado, recoñecendo o traballo da Fundación. Trátase de tres xardíns verticais, que suman 85 metros cadrados, con máis de 25 especies diferentes de plantas.                                                    
  • Mercadona colabora coa Fundación Capacis desde 2016, construíndo xardíns verticais e contribuíndo tamén ao mantemento dos mesmos, así como dos outros axardinamentos que Mercadona ten repartidos pola Comunidade de Madrid.

A colaboración que Mercadona e a Fundación Capacis, dedicada á inserción social e laboral de persoas con discapacidade intelectual, manteñen desde 2016 permitiu a construción de tres xardíns verticais na tenda que a compañía ten na r/ Estocolmo, 22-24 en Madrid. Unha colaboración que se enmarca na aposta de Mercadona por unha maior integración na contorna e constitúe un exemplo das actividades que realiza a compañía con asociacións e fundacións con fins sociais.

A Fundación Capacis colaborou na construción de tres xardíns verticais no supermercado da rúa Estocolmo, que se sitúan nos laterais da tenda e na fachada xunto á entrada do aparcamento e que supoñen unha superficie total de 85 metros cadrados. Na súa realización participaron mozos con intelixencia límite desta Fundación, baixo a dirección técnica e o asesoramento do Grupo Sylvestris.

Con este motivo, hoxe colocouse unha placa no supermercado, na que se recoñece a colaboración coa Fundación, nun acto ao que asistiron as fundadoras da Fundación Capacis, Silvia Sombría e Fátima de Dolarea, ademais dalgúns dos mozos que participaron na súa construción. O acto contou tamén coa presencia do xerente do Grupo Sylvestris, Enrique Enciso, e responsables de Mercadona.

Desde a Fundación, Silvia Sombría, asegura que "o proxecto na tenda da rúa Estocolmo supón un paso máis na colaboración que a Fundación mantén coa empresa Mercadona. Para nós é unha enorme satisfacción colaborar cunha gran compañía, demostrando así que a integración social é posible se as empresas se implican nos proxectos".

Un proxecto que o director de Relacións Externas de Mercadona en Madrid, José Antonio Rueda, considera que "é un exemplo da nosa relación con entidades con fins sociais, como é o caso da Fundación Capacis, coa que ademais colaboramos habitualmente para o mantemento das zonas axardinadas e cubertas "verdes" dalgúns dos nosos centros. Mediante a colaboración coa Fundación Capacis devolvemos á Sociedade un pouco do moito que recibimos dela".

Mercadona leva desde o ano 2016 colaborando coa Fundación Capacis. O primeiro proxecto que se realizou de maneira conxunta foi un xardín vertical de 50 metros cadrados, situado no supermercado que se atopa na rúa Asura de Madrid. Desde entón, e sempre co asesoramento e a dirección do Grupo Sylvestris, a colaboración foi continua. Nestes momentos, a Fundación Capacis participou na execución de 5 xardíns verticais, repartidos en 2 supermercados da compañía e colabora no mantemento do axardinamento de 8 centros de Mercadona.

Placa en honor dos usuarios da Fundación Capacis polo seu traballo nos xardíns verticaisPlaca en honor dos usuarios da Fundación Capacis polo seu traballo nos xardíns verticais.

Usuarios da Fundación Capacis na tenda da rúa Estocolmo (Madrid)Usuarios da Fundación Capacis na tenda da rúa Estocolmo (Madrid).

Imaxe de cabeceira: Representantes de Mercadona e a Fundación Capacis na tenda da rúa Estocolmo (Madrid).