Cartel de Mercadona na fachada dun supermercado.

Mercadona doa máis de 3.000 quilos de produtos de primeira necesidade ao Banco de Alimentos de Ávila

24 de xullo de 2017
  • Durante catro anos a cadea de supermercados entregou máis de 10.000 quilos de produtos de primeira necesidade á institución social.

Mercadona dooulle á Asociación Banco de Alimentos de Ávila máis de 3 toneladas de produtos de primeira necesidade, renovando así o convenio de colaboración que ambas as entidades manteñen desde hai catro anos. O Banco de Alimentos comprométese á súa vez a distribuílos entre as diferentes organizacións sociais que traballan coas persoas máis necesitadas.

A doazón tivo lugar hoxe na sede provincial que a entidade ten situada no Polígono de Vicolozano. En concreto, fíxose entrega de leite, bolaría, azucre e conservas, tal e como se lle solicitou previamente á compañía.

Mercadona mantén un estreito compromiso de colaboración co dito organismo desde o ano 2013, mediante o que entregou desde entón máis de 10.000 quilos de produtos básicos, todos eles destinados a persoas con escasos recursos de Ávila e a súa provincia.

O presidente da Asociación Banco de Alimentos de Ávila, Fernando Gutiérrez, agradeceulle a Mercadona “o seu xesto humilde e sincero rubricado no dito acordo, mantendo o seu compromiso de axudar entre os colectivos máis desfavorecidos da cidade de Ávila e provincia”.

Acción social de Mercadona na rexión

No caso concreto de Castela e León, en 2016 Mercadona doou 545 toneladas de alimentos a diversas entidades benéficas e comedores da comunidade.  En total, Mercadona doou o ano pasado máis de 4.200 toneladas de alimentos a diversas organizacións benéficas e sociais de toda España, o que equivale a uns 70.000 carros da compra.

Con esta colaboración, Mercadona consolida o seu programa de  axuda con diversas entidades sociais, reforzando o seu compromiso coa contorna social na cal desenvolve a súa actividade. En 2016, a compañía apoiou o labor de máis de 120 comedores instaurados en diferentes localidades de toda España, ás que lles doa acotío produtos que non son aptos para a venda mais que se encontran en perfectas condicións para o seu consumo. Do mesmo xeito, Mercadona continuou a desenvolver o seu plan de acción social por medio do apoio a diversas entidades sociais que teñen axudado a moitas persoas. En total, e a través de diversas iniciativas en que participou, doou 6.500 toneladas de alimentos, o equivalente a 108.000 carros da compra.