- A cadea de supermercados doou 227,9 toneladas de produtos de primeira necesidade en 2016 en Navarra a diferentes entidades.
Mercadona dooulle á Fundación Banco de Alimentos de Navarra (BAN) 4.000 quilos de produtos de primeira necesidade. Concretamente tratouse de leite, aceite de oliva e de xirasol e legumes cocidos. Renóvase deste xeito o convenio de colaboración entre ambas as entidades, que comezou en 2013. Desde entón, Mercadona dooulle ao BAN 12.500 quilos de produtos de primeira necesidade. Este convenio tamén permitiu a participación dos supermercados de Mercadona en Navarra nas campañas denominadas “Gran Recogida” nas cales a resposta solidaria dos seus clientes permitiu sumar máis quilos de produtos aos doados por Mercadona.
Na entrega estiveron presentes Gregorio Yoldi, presidente da Fundación Banco de Alimentos de Navarra, e Imanol Flandes, xerente de Relacións Externas de Mercadona en Navarra. Flandes remarcou que Mercadona é consciente “da importancia vital do labor que desenvolven entidades como o BAN. É por causa disto que forma parte da nosa responsabilidade social corporativa ofrecerlles un apoio continuado no tempo”. Yoldi, pola súa parte, agradeceu a doazón xa que “son estas accións as que nos permiten axudar os máis de 30.000 navarros aos que chegan os nosos alimentos”.
Como parte da súa responsabilidade social corporativa, Mercadona non só realiza esta colaboración co BAN, tamén colabora acotío coa Fundación Ilundáin Haritz Berri, as Hermanitas de los Pobres de Pamplona e o comedor solidario Paris 365 doando produtos de primeira necesidade. Todas estas colaboracións atinxiron, durante 2016, as 227,9 toneladas de alimentos doados. Mercadona colabora con máis de 120 comedores sociais e 60 bancos de alimentos e entidades benéficas e, en 2016, doou 6.500 toneladas de alimentos, o que equivale a uns 108.000 carros da compra.
Imanol Flandes, xerente de Relacións Externas de Mercadona en Navarra, e Gregorio Yoldi, presidente do Banco de Alimentos de Navarra.
Sobre Mercadona en Navarra
Mercadona continúa coa súa aposta decidida por Navarra, onde xa conta con 10 tendas e un cadro de 416 persoas, todas elas con emprego estable e de calidade. Para alén diso, a compañía mantén relación comercial con 667 pemes desta comunidade e en 2016 realizou compras a fornecedores navarros por valor de 270 millóns de euros, un 25 % máis que o ano anterior. Exemplos dos seus fornecedores agroalimentarios e da súa aposta polo produto local, son a compra de 1 millón de quilos de alcachofa en Tudela, o que supón un incremento do 42 % respecto da campaña anterior, así como a compra de 4.000 quilos de espárrago branco con IXP navarra, 4,2 millóns de quilos de cebola e máis de 400.000 quilos de pemento vermello e verde.
Sobre a Fundación Banco de Alimentos de Navarra
O Banco de Alimentos de Navarra (BAN) é unha fundación benéfica, integrada nas Federacións Española e Europea de Bancos de Alimentos (FESBAL) desde 1996, que ten como obxectivo prioritario a mellora das condicións alimentarias dos grupos de persoas en risco ou situación de exclusión social, como base para a súa integración, e a loita contra o desaproveitamento alimentario. En 2016 os 194 voluntarios do BAN distribuíron 4.035 toneladas de alimentos, a través de 217 entidades sociales de Navarra, o que permitiu entregar 121 quilos por persoa a cada un dos 33.317 usuarios do BAN.