- A finais de xuño, a compañía xa colaboraba con 785 entidades sociais de diversas zonas xeográficas tanto en España como en Portugal.
- Achega a través de diferentes iniciativas equivalente a 210.000 carros da compra.
Mercadona, compañía de supermercados físicos e de venda en liña, doou máis de 12.600 toneladas de produtos de primeira necesidade no primeiro semestre de 2024, cifra que equivale a máis de 210.000 carros da compra.
A compañía seguiu ampliando a rede de entidades sociais coas que colabora, tanto en España como en Portugal, ata alcanzar as 785 a finais do mes de xuño; isto contribuíu a mellorar considerablemente a vertebración da axuda que ofrece aos colectivos máis vulnerables.
Vídeo en español
Ademais, Mercadona apoia outras iniciativas organizadas polos Bancos de Alimentos como a Gran Recollida de Alimentos de novembro e a Recollida Primavera, esta última celebrada do 24 de maio ao 2 de xuño, nas que colabora mediante a modalidade de doazón monetaria na caixa “porque permite atender mellor as necesidades dos beneficiarios e, ao mesmo tempo, multiplicar a súa eficiencia, xa que coas cantidades doadas a favor dos bancos de alimentos, estes poden adquirir os produtos que necesiten, nas cantidades oportunas e no momento que os necesiten”, destaca Laura Cruz, directora de Acción Social de Mercadona.
No seu compromiso coa sociedade, Mercadona desenvolve un Plan de Acción Social propio que materializa a través da colaboración directa con numerosas entidades sociais de distinta índole dedicadas a atender colectivos vulnerables e con necesidades específicas, co obxectivo de contribuír a mellorar a súa situación e oportunidades.
Listaxe en español
Listado entidades sociales con las que colabora Mercadona
Unha política de acción social sostible integrada na estratexia de RSE
Mercadona mantén un compromiso constante cos ámbitos nos que ten presenza e impulsa, ano tras ano, iniciativas sociais, medioambientais e de goberno responsables que impacten positivamente na súa actividade. Neste marco, a compañía é dende 2011 socia do Pacto Mundial das Nacións Unidas España, iniciativa mediante a cal a Organización das Nacións Unidas promove os Obxectivos de Desenvolvemento Sostible (ODS).
Nesta liña enmárcase así mesmo o seu Plan de Acción Social, que se suma a outras iniciativas como o Proxecto Trencadís, mediante o cal colabora na incorporación laboral de persoas con discapacidade intelectual que fabrican os murais decorativos situados na sección de peixería das tendas.
Outra liña estratéxica do Plan de Responsabilidade Social de Mercadona é a sostibilidade medioambiental. Para iso, Mercadona conta cun Sistema de Xestión Ambiental propio enfocado en 3 eixes principais: produción sostible, economía circular e descarbonización. Nestes 3 eixes inclúense liñas de actuación específicas, como por exemplo a optimización loxística, a eficiencia enerxética, o benestar animal e a prevención, xestión e valorización de residuos. Nese sentido destaca que Mercadona, xunto aos seus provedores, traballa no Proxecto de Distribución Urbana Sostible e na mellora da calidade do aire nas cidades mediante camións e furgonetas propulsados por tecnoloxías máis limpas e eficientes.
Pensando na mobilidade sostible do “Xefe” (cliente), a empresa dispón xa de 4.425 prazas de aparcadoiro con Puntos de Carga para Vehículos Eléctricos (PCVE) situadas nos aparcadoiros de máis de 1.117 tendas. Mercadona comezou a instalar estes puntos de carga en 2017, coa implantación do Modelo de Tenda Eficiente, e prevé seguir aumentando esta cifra nos próximos anos. Do mesmo xeito, continuará instalando paneis solares nas súas tendas como exemplo de aposta polo investimento en enerxías renovables.